les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 1: Hesus ta Gana-Satanas ta Pèrdè
E MUHÉ DEN DESIERTO
Lesa pa e siman aki:
Revelashon 12; Efe. 5:25-27, 32; Fil. 3:9; Dan. 7:25; Isa. 14:12-14; Rev. 13:14-17.
TEKSTO PRINSIPAL:
"Awor e dragon a bira furioso riba e muhé. El a bai pa bringa ku e otro yunan di e muhé, esta esnan ku ta kumpli ku e mandamentunan di Dios i ta keda tene na testimonio di Hesus" (Revelashon 12:17).
djarason, 29-03-2023
Lesa Revelashon 12:6 i kompar'é ku Revelashon 12:14-16. Nota kuidadosamente e periodo di tempu, e atake di Satanas riba e "muhé" (Dios su iglesia), .i Dios su provishon pa Su pueblo. Di kiko e versíkulonan akí ta papiando?
E 1.260 dianan den Revelashon 12:6 ta paralelo na e tempu, tempunan, i mitar di un tempu den Revelashon 12:14. Nos ta haña e mesun profesia di tempu akí ku ta deskribí e mesun periodo di tempu den Daniel 7:25, , Revelashon 11:2, , 3 i Revelashon 13:5. Pasobra esakinan ta símbolonan profétiko (un muhé literal ku ala no a bai den desierto), nos ta apliká tempu profétiko, e prinsipio di dia-aña
{wak, por ehempel, Numbernan 14:34 i Ezekiel 4:4-6) na e profesianan akí. Esaki ta nifiká, simplemente, ku un dia profétiko ta igual na un aña. Komentando riba e mesun periodo di tempu profétiko akí den Revelashon 11:2, Andrews University Study Bible ta deklará: "Intérpretenan di historia, pa e motibu ei, generalmente a komprendé ku e periodo di 1.260 dianan profétiko ta nifiká 1.260 aña literal ku ta kore di 538 despues di Kristu te na 1798" (p. 1.673 komentario riba Revelashon 11:2). Un iglesia korupto-huntu ku un estado korupto-tabata oprimí, persiguí, i tin biaha mata e pueblo fiel di Dios.
E persekushon satániko feros di kristiannan ku ta kere den Beibel akí tabata un ekstenshon di e gran konflikto entre bon i malu. Saliendo for di e skuridat di Edat Media, na momento di e Reforma, hòmber- i muhénan tabata enfrentá un eskoho. Nan lo tabata fiel na e Palabra di Dios, òf nan lo a aseptá e siñansanan di saserdote i preladonan? Un biaha mas berdat a triunfá, i Dios tabatin un pueblo ku tabata fiel na djE dilanti di oposishon poderoso.
Tin algun ekspreshon fasinante i ekstremadamente alentador di Dios su kuido den e versíkulonan akí. Revelashon 12:6 ta usa e ekspreshon "Dios a sòru pa un pleki". Revelashon 12:14 ta deklará ku "a kuida" e muhé den desierto, i Revelashon 12:16 ta deklará: "(...) tera a bin yuda e muhé". Na momentonan di persekushon severo, Dios a proveé pa Su iglesia. Manera El a hasi e tempu ei, E lo hasi mesun kos pa Su remanente di tempu di fin.
Deskrlbí un tempu di prueba òf difikultat den bo proplo bida ora ku fásilmente bo por a bira deskurashá, pero Dios a proveé un lugá di refugio pa bo i a sostene bo den bo desafionan. Kon Dios a proveé sosten ora mas bo tabatin mester di dje?
11