les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 10: Satanas su ultimo engañonan
Satanas su ultimo engañonan
Lesa pa e siman aki:
Rev. 12:9; Rev. 16:13, 14; 1 Tes. 4:16, 17; Eze.8:16; Eze. 20:1-20; Rev.18:4, 5.
TEKSTO PRINSIPAL:
"Konsagrá nan pa medio di bèrdat; bo palabra ta bèrdat'' (Huan 17:17).
sabbat, 27-05-2023
Tabata un di e maintanan presioso den sèptèmber na Chicago. Segun ku solo tabata sali riba Lake Michigan i e hendenan ku ta bai trabou diariamente tabata batayá ku pegamentu di tráfiko riba e outopistanan Kennedy i Eisenhower, i muchanan tabata riba kaminda pa skol, un storia hororoso a kuminsá surgi ku a hinka miedu den kurason di habitantenan di Chicago. Hendenan tabata bira malu trágikamente, i algun tabata muri djis un par di ora despues di a bebe kápsulanan di Tylenol. Ora a tèst, kada un di e kápsulanan a proba di ta kontaminá ku potassium cyanide, un venenu mortal. Un indivíduo trastorná a mòrs ku e remedi. Te ku e dia akí, nos no sa ta ken a hasi esaki.
Manera nos a mira, Revelashon ta spierta nos ku e "habitantenan di tera" lo bebe un venenu mortal yamá e "biña di Babilonia". Tin doktrina i siñansa falsu ku, na final, lo hiba solamente na morto. Sin embargo, no ta laga mundu sin e antídoto, e protekshon, kontra di e venenu spiritual akí: e mensahenan di e tres angelnan.
Den e lès di e siman akí nos lo sigui wak, no solamente e engañonan di Babilonia, sino e plan di Hesus pa salba nos for di nan i e morto ku, di otro manera, nan lo a trese.
110