les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 10: Satanas su ultimo engañonan
Mas estudio:
Lesa pa e siman aki:
Rev. 12:9; Rev. 16:13, 14; 1 Tes. 4:16, 17; Eze.8:16; Eze. 20:1-20; Rev.18:4, 5.
TEKSTO PRINSIPAL:
"Konsagrá nan pa medio di bèrdat; bo palabra ta bèrdat'' (Huan 17:17).
djabierne, 02-06-2023
"E gran Babilonia den e buki di Revelashon ta señalá, den un sentido spesial, e religionnan apóstata uní na seramentu di tempu. (...) 'E Gran Babilonia' ta e nòmber ku Inspirashon ta usa pa referí na e gran union religioso tripel di e papado, protestantismo apóstata, i spiritismo. (...) E término 'Babilonia' ta referí na e organisashonnan mes i nan lidernan, no asina tantu na e miembronan komo tal. Ta referí na e últimonan komo 'hopi awa' (Rev. 17:1, 15)."-The SDA Bible Commentary, tomo 7, p. 851, 852.
"A traves di e dos gran erornan, inmortalidat di alma i santidat di djadumingu, Satanas lo trese hende bou di su engañonan. Miéntras e promé ta pone e fundeshi di spiritismo, e último ta krea un laso di simpatia ku Roma."-Ellen G. White, The Great Controversy, p. 588.
Den Testament Bieu, e spiritu die mortonan tabata hunga un ròl importante den religion babilóniko. E babilónikonan tabatin un kreensia fuerte den e dòktrina di inmortalidat di alma. Nan tabata kere ku na morto e alma tabata drenta den e mundu di spiritu. E konsepto di alma inmortal ta straño pa e siñansanan di Skritura. The Jewish Encyclopedia ta identifiká klaramente e orígen di e idea falsu di inmortalidat di alma. "No ta siña e kreensia ku e alma ta sigui ku su eksistensia despues di disolushon di e kurpa (...) niun kaminda den Skritura Santu. (...) E kreensia den inmortalidat di alma a bini na e hudiunan for di kontakto ku pensamentu griego i prinsipalmente a traves di e filosofia di Plato, su eksponente prinsipal, ku misterionan órfiko i eleusinio kaminda vishonnan babilóniko i egipsio tabata mesklá di forma straño, a hib'é na dje."- Kaufmann Kohler, The Jewish Encyclopedia, "Immortality of the Soul", (1906).
PREGUNTA PA DlSKUSHON:
1. Di kon un komprendementu di e bèrdat tokante morto ta asina krítikamente importante? Di kiko e ta protegé nos? Di kon e ta di alivio tambe?
2. Algun di e engañonan di diabel ta opvio, otronan mas sutil. Kon nos por evitá ku kualke di nan ta gaña nos?
3. Den klas, papia tokante di e pregunta ku nos a trata den e estudio di djadumingu, tokante esnan ku ta hasi malu keriendo ku nan ta siguiendo e boluntat di Dios, manera ta revelá den Beibel. Kon nos ta splika esaki? Ki ròl e lei di Dios mester hunga den e splikashon?
116