Les di Sabbatskol

djaluna, 29-05-2023

Lesa Revelasbon 16:13, 14 i Revelasbon 18:2, 23. Ki referensia na spirítismo bo ta haña den e versíkulonan akí?

Ekspreshonnan manera e "lugá di biba pa demoño" i e "spiritu di demoñonan" i "bruheria", tur ta indiká aktividat demoniako. Nada straño ku a spierta nos ku, di e dos gran engañonan den e último dianan, unu lo ta "inmortalidat di alma" (wak Ellen G. White, The Great Controversy, p. 588).

Naturalmente, esei ta asina fásil pa mira awendia. Asta den e mundu kristian, e idea di ku e alma ta inmortal ta nada mas sino doktrina kristian básiko. Hopi kristian ta kere ku, na morto, e salbánan ta bula bai shelu, i esnan pèrdí ta baha bai den fiernu. Kuantu biaha, por ehèmpel, despues ku e gran evangelista Billy Graham a muri, nos tabata tende ku "Billy Graham awor ta seif den shelu, den e brasanan amoroso di Hesus", òf kosnan similar? Tur ora ta siña e tipo di kosnan akí for di púlpito, den klas, i, spesialmente, na entiero.

Lesa Predikador 9:5; Job 19:25-27; 1 Tesalonisensenan 4:16, 17; i Revelasbon 14:13. Ki instruksbon kla Dios a duna Su pueblo tokante di bida despues di morto, i unda nos ta haña nos speransa?

Un di e pilánan di engaño babilóniko ta un komprendementu falsu di morto, ku, sentrá riba e idea di inmortalidat di e alma, ta prepará e kaminda pa e influensia engañoso di spiritismo. Si bo ta kere ku e mortonan, den algun forma, ta sigui biba i kisas asta porta kapas di komuniká ku nos, e ora ei ki protekshon bo tin for di kualke di e numeroso engañonan ku Satanas tin? Si un hende ku bo a kere tabata bo mama òf yu morto, òf un otro ser kerí, di repente mester a aparesé i papia ku bo, kon fásil lo tabata pa bo sentidonan gaña bo? Esaki a sosodé den pasado, ta sosodé awor, i, siguramente, segun ku nos ta aserká e dianan final mes, lo sosodé atrobe. Nos úniko protekshon ta pa para firmemente ankrá den loke Beibel ta siña i tene duru na e siñansa bíbliko tokante morto komo un soño te na e segundo regreso di Hesus.

Kua ehèmpel di spiritismo moderno ta eksistí den bo kultura awendia? Di kon pegamentu firme na e Palabra di Dios ta nos úniko protekshon?

112