les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 10: Satanas su ultimo engañonan
Un yamada na fieldat
Lesa pa e siman aki:
Rev. 12:9; Rev. 16:13, 14; 1 Tes. 4:16, 17; Eze.8:16; Eze. 20:1-20; Rev.18:4, 5.
TEKSTO PRINSIPAL:
"Konsagrá nan pa medio di bèrdat; bo palabra ta bèrdat'' (Huan 17:17).
djarason, 31-05-2023
E mensahe di e segundo angel den Revelashon 14 ta "Babilonia a kai, el a kai".
Den Revelashon 17, e muhé identifiká komo Babilonia spiritual, bistí na pus i kòrá kimá, ta kore riba un bestia kòrá kimá, ta pasa su kopa di biña rònt, i ta hasi mundu burachi ku eror. Iglesia i estado ta uni. Falsedat ta prevalesé. Demoñonan ta obra nan milagernan pa gaña. E mundu ta pushá den su konflikto final.
Na mes momento, ta kalumniá, ridikulisá, oprimí i persiguí e pueblo di Dios, pero den Kristu i a traves di e poder di Spiritu Santu, nan ta firme den nan kompromiso. Tur e podernan di fiernu i e forsanan di maldat no por kibra nan lealtat na Kristu. Nan ta sigur den djE. E ta nan "refugio, E ta nos fortalesa, El a resultá un yudador den mesté" (Salmo 46:1).
Dios ta yamando un pueblo di tempu di fin bèk na fieldat na Su Palabra.
Hesus a resa: "Konsagrá nan pa medio di bèrdat; bo palabra ta bèrdat" (Huan 7:17). E bèrdat di Dios su Palabra, no opinion òf tradishon humano, ta e Strea di Nort pa guia nos den e ora krítiko akí di historia di tera.
Ata un deklarashon remarkabel duná pa Dr. Edward T. Hiscox, outor di Stanlard Manuel for Baptist Churches. Na aña 1893 el a dirigí su mes na un grupo di sentenar di pastor baptista i a shòk nan ora el a splika kon djadumingu a yega len iglesia kristian.
"Ki un duele ku e [djadumingu] ta bini stigmatisá ku e marka di paganismo, batisá ku nòmber di e dios di solo, despues adoptá i sanshoná pa apostasia papal, i lagá atras komo un herensia sagrado pa protestantismo!"-Edward fiscox, promé ku un konferensia di pastor na NewYork, 13 di november 1893.
Lesa Ezekiel 20:1-20. Kiko ta e esensia di Ezekiel su mensahe akinan, kon Sabat ta pas ku e yamada na fieldat akí?
Ezekiel 20 ta un apelashon serio pa Israel bandoná práktikanan pagano i pa adorá e Kreador na lugá di nan diosnan falsu, den e kaso akí e "ídolonan di Egipto". Den e mensahenan di e tres angelnan Dios ta hasiendo un apelashon similar pa "adorá e Kreador", pasobra "Babilonia a kai". I tambe, manera nos sa, Sabat, i fieldat na dje, lo hunga un ròl grandi den eventonan final.
Ki lès por saka pa nos mes for di loke a skirbi den Ezekiel 20:1-20? ( Wak tambe 1 Kor. 10:11)
114