les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 11: E Seyo di Dios i Marka di e Bestia: Parti 1
E Seyo di Dios i Marka di e Bestia: Parti 1
Lesa pa e siman aki:
Rev. 14:12; Efe. 2:8-10; Mat. 27:45-50; Rev. 13:15-17; Rev. 14:4; Lukas 5:18-26
TEKSTO PRINSIPAL:
"Mi a mira un otro angel subi for di ost ku e seyo di e Dios bibu. El a grita duru bisa e angelnan ku a haña poder pa hasi daño na tera i laman: 'No hasi daño na tera, laman i e palunan, promé ku nos pone e seyo riba frenta di e sirbidónan di nos Dios'" (Revelashon 7:2, 3).
sabbat, 03-06-2023
Segun ku nos ta studia eventonan di tempu di fin enkuanto di e marka di e bestia, un punto krusial ku ta prevalesé ta e diferensia entre kon Dios ta, operá i kon e enemigu di alma ta hasi esei.
Manera nos a bin ta studia, e temanan sentral den e gran konflikto entre Kristu i Satanas ta enfoká riba lealtat, outoridat i adorashon. E profesianan ku ta deskribí e poder di e bestia den Revelashon 13, e kachu chikitu den Daniel 7, i e "yu di perdishon" den 2 Tesalonisensenan 2, tur ta papia di un poder ku ta usurpá Dios su outoridat, ta ordená lealtat, i ta introdusí un sistema falsifiká di adorashon. I nan ta hasi esei pa medio di uso di forsa, obligashon, i tin biaha soborno i rekompensa-tur pa asina obligá adorashon.
Kontrali na esei, amor ta e gran forsa motivadó di e reino di Dios. Mas bien ku adorá e bestia, e pueblo di Dios ta haña su goso di mas grandi i plaser di mas haltu den ador'E. Nan ta komprometé na djE pasobra nan sa kon komprometé E ta na nan. Tin solamente un kos ku lo tene kualke di nos for di risibí e marka di e bestia den e tempu di fin-un amor pa Hesus asina profundo ku nada no por kibra nos gara riba djE. Den e lès akí nos lo eksplorá e temanan akí mas aleu.
123