les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 11: E Seyo di Dios i Marka di e Bestia: Parti 1
Esnan ku sigui e lamchi
Lesa pa e siman aki:
Rev. 14:12; Efe. 2:8-10; Mat. 27:45-50; Rev. 13:15-17; Rev. 14:4; Lukas 5:18-26
TEKSTO PRINSIPAL:
"Mi a mira un otro angel subi for di ost ku e seyo di e Dios bibu. El a grita duru bisa e angelnan ku a haña poder pa hasi daño na tera i laman: 'No hasi daño na tera, laman i e palunan, promé ku nos pone e seyo riba frenta di e sirbidónan di nos Dios'" (Revelashon 7:2, 3).
djarason, 07-06-2023
Lesa Revelashon 13:1, 2. For di unda e bestia ta bini, i ken ta duna e bestia su outoridat?
E poder di e promé bestia di Revelashon 13 ta risibí su poder, asiento, i gran outoridat for di e dragon. Revelashon 12:9 i Revelashon 20:2 ta identifiká e dragon komo Satanas. Satanas ta un enemigu astuto i ta traha a traves di podernan terenal. Revelashon 12:3-5 ta bisa ku e "dragon" akí-diabel-a trata na destruí e "yu hòmber" asina El a nase. Despues a "hiba" e "Yu hòmber" akí "serka Dios i a pon'é riba trono di Dios". Esaki, naturalmente, ta referí na Kristu. Deseando di destruí e yu Kristu, Satanas a traha a traves di Herodes i Roma imperial. Na final di Hesus su bida, un gobernadó romano, Pilato, a kondená Kristu pa muri, un burdugu romano a klab'E na e krus kruel, un soldá romano a hink'E ku un lansa, i soldánan romano a tene warda na Su graf. Di akuerdo ku Revelashon 13:2, , e dragon, Satanas, obrando a traves di Roma pagano, lo a duna e trono di su gobiernu na e poder di e bestia ku a sali for di laman.
"Aunke primeramente e ta representá Satanas, e dragon, den un sentido sekundario, ta representá e Imperio Romano. (...) E poder ku ta sigui e Imperio Romano, ku a risibí for di e dragon 'su poder, i su trono, i gran outoridat,' ta klaramente Roma papal."-The SDA Bible Commentary, tomo 7, p. 817. Historiadó
A. C.Flick ta splika ku "for di e ruinanan di Roma polítiko a surgi e gran Imperio moral den e 'forma gigante' di Iglesia Romano."-A. C. Flick, The Rise of the Medieval Church (1900) p. 150, manera ta sitá den The SDA Bible Commentary, tomo 7, página 817.
Lesa Revelashon 13:3 i Revelashon 14:4. Ki kontraste bo ta mira den e versíkulonan akí?
Kontrali na "henter mundu" ku ta sigui e bestia, Dios lo tin un pueblo ku lo "sigui e Lamchi" en kambio. Manera semper, lo ta un banda òf e otro, pa Hesus òf kontra Hesus. Lo tin e ora ei, manera awor, niun tereno meimei, niun posishon neutral. No komprometé firmemente na Hesus ta, konsientemente òf no, komprometé na e otro banda.
“ Tur hende lo odia boso pa mi motibu, ma esun ku perseverá te na final lo keda salbá” (Mat. 10:22{). Kon prepará bo t apa perseverá te na final?
127