les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 12: E Seyo di Dios i Marka di e Bestia: Parti 2
Mas estudio:
Lesa pa e siman aki:
Rev. 12:6, 14; Dan. 7:25; 2 Tes. 2:3, 4; Deut. 6:8; Deut. 11:18; Eks. 20:8-11.
TEKSTO PRINSIPAL:
'Mi a mira un otro angel subi for di ost ku e seyo di e Dios bibu. El a grita duru bisa e angelnan ku a haña poder pa hasi daño na tera i laman: 'No hasi daño na tera, laman i e palunan, promé ku nos pone e seyo riba frenta di e sirbidónan di nos Dios' " (Revelashon 7:2, 3).
djabierne, 16-06-2023
"Ora protestantismo lo rèk su man a traves di e separashon pa gara man di e poder romano, ora e lo rèk a traves di e abismo pa tene man ku spiritismo, ora, bou di influensia di e union tripel akí, nos pais [Estádos Unídos] lo repudiá tur prinsipio di su Konstitushon komo un gobiernu protestant i republikano, i lo hasi provishon pa plamamentu di falsedat i engaño papal, e ora ei nos por sa ku e tempu a yega pa e operashon maravioso di Satanas i ku e fin ta serka."-Ellen G. White, Testimonies for the Church, tomo 5, p. 451.
"Nos tabatin tendensia di pasa por alto e echo ku djadumingu ta e dia di adorashon di e forsanan opuesto (...) den e sekuensia di e buki di Revelashon. Djadumingu ta un símbolo ekstremadamente importante, ku ta revelá e astusia i engaño inkreibel di e dragon. (...) E (...) kambio di lei akí ta ekspresá den un simpel akshon e esensia mes di e odio di e dragon kontra di Dios den e konflikto kósmiko. Su simplesa ta altamente engañoso. E dragon a purba usurpá e lugá di Dios den e kòsmòs deskribiendo su mes komo e berdadero opheto di adorashon i argumentando ku Dios su lei ta inhustu-ku mester kambi'é. E dragon a kambia e lei na e konekshon denter di e Dekálogo kaminda ta identifiká Dios komo e Kreador i Redentor, e úniko ku ta digno di adorashon (Eks 20:8-11; Deut 5; konsultá Rev 4:11; 5:9, 13, 14). E kambio di lei ta manifestá no solamente e odio di e dragon pa e boluntat di Dios (e lei), pero e ta tambe su intento pa usurpá Dios su lugá birando e opheto di adorashon. (...) E generalisashon di e kambio akí den lei lo a sigur'é viktoria."-Ángel Manuel Rodriquez, "The Closing of the Cosmic Conflict: Role of the Three Angels' Messages", p. 53, 54.
PREGUNTA PA DISKUSHON:
1. Aunke nos ta bibando den antisipashon, asta espektativa, di eventonan final, di kon nos mester ta kuidadoso tokante di no kai den fanatismo, ponementu di fecha, òf spekulá mas ayá di loke a revelá na nos a traves di inspirashon? Kiko ta e peligernan di hasi esaki, i kiko tabata e resultadonan ora ku e eventonan sperá no a desplegá na momento i manera ku hende a bisa ku nan lo a tuma lugá?
2. Miéntras nos mester evitá e peligernan deskribí den e pregunta pa diskushon anterior, kon nos ta reakshoná riba esnan ku ta bisa ku nos senario tokante di e marka di e bestia i persekushon no por tuma lugá pasobra gewon e no ta parse posíbel, mirando e estado aktual di mundu? Di kon e liña di rasonamentu akí, aunke aparentemente sensíbel na promé bista, realmente no ta sensíbel etòl? (Despues di tur kos, wak kon rápidamente gran kambio por bini na mundu.)
140