les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 12: E Seyo di Dios i Marka di e Bestia: Parti 2
E herida mortal
Lesa pa e siman aki:
Rev. 12:6, 14; Dan. 7:25; 2 Tes. 2:3, 4; Deut. 6:8; Deut. 11:18; Eks. 20:8-11.
TEKSTO PRINSIPAL:
'Mi a mira un otro angel subi for di ost ku e seyo di e Dios bibu. El a grita duru bisa e angelnan ku a haña poder pa hasi daño na tera i laman: 'No hasi daño na tera, laman i e palunan, promé ku nos pone e seyo riba frenta di e sirbidónan di nos Dios' " (Revelashon 7:2, 3).
djadumingu, 11-06-2023
Manera nos a studia kaba, e podernan di bestia di Revelashon 13 i 14 ta representá un sistema mundial di adorashon falsu. Pero tin mas.
Lesa Revelashon 13:5; Revelashon 12:6, 14; i Daniel 7:25. Kuantu tempu e poder akí lo a dominá e paisahe religioso den e siglonan anterior?
E bestia lo a sigui pa un período di durashon di tempu spesífiko den historia. Den profesianan di tempu simbóliko, un dia profétiko ta igual na un aña literal. Den Numbernan 14:34 nos ta lesa: "un aña pa kada dia"-aplikando e prínsípío bíbliko di konta un dia pa un aña. Atrobe, Dios ta bisa, "Mi ta duna bo un dia pa kada aña" (Eze. 4:6). E prínsipio akí a proba su mes di ta eksakto kada bes di na bo ora interpretá profesíanan di tempu bíblíko, manera e 70 símannan di Daníel 9:24-27. Kalkulando e período di tempu menshoná den Revelashon 13:5 di 42 luna, ku 30 dia den un luna, nos ta yega na 1.260 dia profétiko òf aña literal. E kalendernan antiguo regularmente tabatín 360 dia pa aña.
Den e di kuater siglo, e emperador romano Constantino a legalisá kristíanismo den henter e imperio. Ora el a muda su kapítal na aña 330 despues di Kristu na Byzantium pa uni e partinan ost i west di su imperio, el a laga un bashí di liderazgo na Roma. E papa, e or'ei, a yena e bashí akí. El a bira no solamente un líder religioso poderoso, ma tambe un forsa polítiko ku mester a tene kuenta kuné na Oropa. Na aña 538 despues di Kristu, Justiniano, e emperador romano pagano, ofisialmente a duna e obispu romano e ròl di defensor di fe. E iglesia medieval tabata ehersé gran influensia for di 538 te na 1798 despues di Krístu, ínkluyendo e persekushon teribel menshoná den íntrodukshon di e lès akí. Napoleon su general, Berthier, a kue e papa prezu na aña 1798 despues di Krístu, den kumplimentu eksakto di e profesia.
Berthíer i su ehérsito a kapturá Papa Pio VI i, sin kontemplashon, a kít'é for di e trono papal. E sla na e papado tabata serio, pero, di akuerdo ku Revelashon 13:12, , e herida mortal lo a kura, i mundu lo a tende mas die poder akí-hopi mas.
Pensa riba kon asombroso profesia bíbliko ta i kon e ta revelá Dios su konosementu di futuro eventonan na nos. Kiko e echo aki mester siña nos tokante di kon nos por konfia e promesanan di Señor, asta esnan ku nos no ta mira kumpli ahinda?
135