les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 13: Iluminá Ku e Gloria di Dios
Iluminá Ku e Gloria di Dios
Lesa pa e siman aki:
1Tes. 5:1-6; Huan 8:32; Rev.18:1; Rev. 4:11; Eks. 33:18, Rev. 5:6, 12; Rev.13:8.
TEKSTO PRINSIPAL:
“Despues di e kosnan aki mi a mira un otro angel ta baha for di shelu, kende tabatin gran outoridat, i tera a keda iluminá ku su gloria" (Revelashon 18:1, Beibel Santu).
sabbat, 17-06-2023
Trempan òf lat, eventonan final lo desplegá. Eksaktamente ki ora, eksaktamente kon-no a bisa nos. Pero a bisa nos sufisiente. Algun tipo di legislashon ku ta imponé wardamentu di djadumingu, kontrali na warda e di kuater mandamentu, lo tuma lugá. Revelashon a revelá na nos e temanan krusial ku ta den wega, e hungadónan krusial enbolbí, i den liñanan grandi, el a bisa nos kiko lo sosodé ora, kontrali na adorashon di Esun "ku a traha shelu i tera i laman i bròn di awa" (Rev. 14:7), hende-tur "ku nòmber no ta skibí for di kreashon di mundu den e buki di bida, buki di e Lamchi i" (Rev. 13:8)-lo adorá e bestia i su imágen. Den otro palabra, tur esnan ku a skohe i sigui Señor Hesu-Kristu i obedesé Su mandamentunan-nan nòmber ta keda den e buki di bida. Kuantu mas mihó pa ta den e registro di Dios ku den e registronan di hende.
Dios a lanta Iglesia Atventista di Shete Dia pa prediká e evangelio akí na e mundu. o tantu, nos mester, nos mes, ta kombertí na e bèrdat manera e ta den Hesus, i ta trasformá i hasí nobo pa medio di e"evangelio eterno" di Revelashon 14:6, , ku ta sentrá e morto di Kristu pa nos, e siguransa di nos salbashon den djE.
145