les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 2: UN MOMENTO DI DESTINO
MAS ESTUDIO:
Lesa pa e siman aki:
Mat. 24:14, , Rev.14:14-20, , Mat.16:27, , Echonan 1:9-11, , Marko 4:26-29, , Rev. 16:1.
TEKSTO PRINSIPAL:
"E ora ei mi a mira un nubia blanku. Riba e nubia tabatin un ser ku aparensia di hende. Riba su kabes e tabatin un korona di oro i den su man un machete skèrpi. Un angel a sali for di tèmpel. El a grita bisa esun sintá riba e nubia: 'Zuai ku bo machete i rekohé kosecha; ta tempu di kosecha, tera ta hechu pa kosecha' "(Revelashon 14:14, 15).
djabierne, 07-04-2023
"E ta un lei tantu di naturalesa intelektual komo spiritual ku a traves di kontemplashon nos lo kambia. E mente ta adaptá su mes gradualmente na e temanan ku e ta permití pa fiha riba dje. E ta asimilá na e loke el a kustumbrá stima i reverensiá. Hende nunka lo lanta mas haltu ku su norma di puresa òf bondat òf bèrdat. Si e ami ta su ideal di mas haltu, nunka e lo no tene na nada mas eksaltá. Mas bien, e lo senk konstantemente mas i mas abou. E grasia di Dios so tin poder pa eksaltá hende. Si lag'é pa su kuenta, su rumbo, inevitablemente, mester ta direkshon abou."-Ellen G. White, The Great Controversy, p. 555.
Sutilmente, iriparabel, kasi sin nota na prinsipio, nos karakter i nos personalidat ta kambia basá riba e simianan ku nos ta sembrando den nos mente. Sembra bon símia, i lo bo produsí bon fruta. Sembra e simianan malu di e mundu akí, i lo bo produsí e fruta di e mundu akí den bo karakter. Si nos sembra indiferensia na Dios i balor i prioridat spiritual, nos ta kosechá e fruta di indiferensia-apatia, satisfakshon spiritual propio i frustrashon den nos bida spiritual. Ta p'esei esnan ku ta pensa, "Bon, mi sa ku un dia persekushon final lo bini, e 'marka di e bestia' etcetera, pero ora e yega, lo mi drecha," ta skohiendo un kaminda mashá peligroso. Dios ta yama nos awor, na e momento akí, pa someté nos bida na djE. Mas tantu un hende tarda pa respondé na Spiritu Santu, mas i mas duru hende su alma ta bira pa e yamadanan di Dios i mas suseptibel pa kai pa, i kere den, e mentiranan di esun malbado.
PREGUNTA PA DISKUSHON:
1. Kiko ta e relashon entre ta salbá pa grasia i krese den grasia, den konteksto di Revelashon 14:14-20 i e prinsipio di kosecha?
2. Diskutí e elementonan nesesario pa kresementu di mata i kompará esei ku nos kresementu spiritual. Kiko ta e similaridatnan? Es desir, kiko nos por siña for di kon mata ta krese, ku nos por apliká esaki na nos propio bida?
3. Tin diferensia entre nos abilidat duná pa Dios pa skohe, i forsa di boluntat? Di kon komprendé e diferensia akí ta importante pa e kristian ku ta kresiendo?
4. Di kon e título "Yu di Hende" ta un enkurashamentu den e ora di huisio, miéntras nos ta antisipá e segundo regreso di Kristu? Di kon ta un alivio realisá ku un hende, un ser humano, ta ayariba representando nos den e huisio?
26