les di Sabbatskol

Les di sabbatskol kuartaal 2, aña 2023, Titula: E TRES MENSAHENAN KÓSMIKO

Les 2: UN MOMENTO DI DESTINO

E yu di hende ta bini bèk

Lesa pa e siman aki:

Mat. 24:14, , Rev.14:14-20, , Mat.16:27, , Echonan 1:9-11, , Marko 4:26-29, , Rev. 16:1.

TEKSTO PRINSIPAL:

"E ora ei mi a mira un nubia blanku. Riba e nubia tabatin un ser ku aparensia di hende. Riba su kabes e tabatin un korona di oro i den su man un machete skèrpi. Un angel a sali for di tèmpel. El a grita bisa esun sintá riba e nubia: 'Zuai ku bo machete i rekohé kosecha; ta tempu di kosecha, tera ta hechu pa kosecha' "(Revelashon 14:14, 15).

djaluna, 03-04-2023

Revelashon 14 ta kontené e tekstonan klave relashoná ku e Señor su mensahe di último dia na Su pueblo i na mundu. Sentral na tur esaki tin e regreso di Hesus, e kumplimentu di Su promesa ku "Boso lo mira Yu di hende sintá na man drechi di Dios Poderoso i biniendo riba e nubianan na shelu" (Marko 14:62).

Lesa Revelashon 14:14. Ki título ta usa pa deskribí Hesus ora E ta regresá na tera? Di kon bo ta kere Huan ta usa e título akí pa Hesus?

Hesus a usa e término "Yu di Hende" pa referí na Su mes 82 biaha den e Evangelionan. E tabata un di Su títulonan faborito. E tabata us'é komo un ekspreshon di kariño pa identifiká ku nos. E ta un Salbador kende ta komprendé nos, a eksperensiá nos tentashonnan, i a pasa den nos pruebanan. E ta e "Yu di Hende" kende ta biniendo bèk pa hiba nos kas. E Hesus ku ta bini pa nos, ta e mesun Hesus ku a biba meimei di nos. E ta kualifiká pa redimí nos pasobra El a bira Un ku nos, i tòg, komo un di nos, El a topa e furia total di Satanas su tentashonnan i, sí, tabata viktorioso.

Kiko nos ta siña di e siguiente versíkulonan di Beibel den Mateo tokante Hesus, i Yu di Hende?

Mat.16:27

Mat. 24:27, 30 

Mat. 25:31, 32

Nota algun elemento den e pasashinan akí:

(1) Hesus, e Yu di Hende, ta biniendo den gloria huntu ku Su angelnan. (2) E lo separá e karnénan for di e kabritunan (básikamente un huisio). (3) E destino di e nashonnan i henter humanidat lo ta disidí pa eternidat.

Pensa riba e término "Yu di Hende" i kiko e ta bisa di Kristu su humanidat. Aunke Dios, El a bira un di nos, meskos ku nos, pero diferente for di nos, E no a peka nunka. Ki speransa maravioso esaki ta ofresé bo den términonan di (1) konosé e amor di Dios pa nos; (2) sa ku E por relashoná ku bo luchanan i duna bo viktoria riba nan?

22