les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 2: UN MOMENTO DI DESTINO
TUR SIMIA TA PRODUSÍ UN KOSECHA
Lesa pa e siman aki:
Mat. 24:14, , Rev.14:14-20, , Mat.16:27, , Echonan 1:9-11, , Marko 4:26-29, , Rev. 16:1.
TEKSTO PRINSIPAL:
"E ora ei mi a mira un nubia blanku. Riba e nubia tabatin un ser ku aparensia di hende. Riba su kabes e tabatin un korona di oro i den su man un machete skèrpi. Un angel a sali for di tèmpel. El a grita bisa esun sintá riba e nubia: 'Zuai ku bo machete i rekohé kosecha; ta tempu di kosecha, tera ta hechu pa kosecha' "(Revelashon 14:14, 15).
djaweps, 06-04-2023
Den Revelashon 14 tin dos kosecha. E kosecha di grano di oro ta representá e hustunan, i e kosecha di wendrúif putrí ta representá esnan inhustu òf esnan perdí. Tur dos kosecha ta kompletamente hechu. Kada símia sembrá ta kompletamente madurá.
Lesa Revelashon 14:17-20. Kiko e ekspreshon "e baki grandi pa machiká wendruif, e baki grandi di Dios su rabia" ta nifiká? Wak tambe Revelashon 14:10, Revelashon 15:1 i Revelashon 16:1.
"Un di tres angel ku tabata enkargá ku kuido di e kandela, a baha for di e altá" (Rev. 14:18). Ata e angel akí ku ta komandá e kandelanan di Dios su huisio final. E kosecha ta hechu. Piká a alkansá su límite. Rebelion a krusa e liña di Dios su mizerikòrdia. Pa malbado i malu ku kosnan tabata, ta bai bira mas pió ainda promé ku tur kos terminá. Un Dios amoroso a hasi tur kos ku E por hasi pa nos, ku ta inkluí ofresé Su mes riba e krus komo un sakrifisio pa nos pikánan. "Kristu tabata sin piká, pero Dios a pone nos pikánan riba djE pa asina Dios por aseptá nos komo hustu" (2 Kor. 5:21; wak tambe Gal. 3:13 ).
Kiko mas Dios por a hasi mas ayá ku e krus ei? No tin nada mas ku grasia por hasi pa redimí esnan ku repetidamente a rechasá Spiritu Santu.
Ata aki e mensahe profétiko urgente di Revelashon 14. Tur símia a bai pa kosecha. E grano ta kompletamente hechu, i e wendruifnan ta kompletamente hechu. E pueblo di Dios ta revelá Su imágen di grasia, kompashon, mizerikòrdia i amor dilanti di universo. E yunan di esun malbado ta revelá kudishi, pashon, yalursheit i odio. Un grupo ta revelá e karakter di Hesus i e otro e karakter di Satanas.
Universo lo mira den e pueblo di Dios un revelashon di hustisia ku, kisas, niun generashon promé hamas a yega di testiguá. Kontrali na e hustisia di Kristu revelá den Su pueblo, universo lo mira e resultadonan kompleto di rebelion kontra Dios. Malisia, maldat, piká, i desórden lo ta den pleno despliegue dilanti di hende i angelnan. E kontraste entre bon i malu, korekto i robes, obediensia i desobedensia, lo ta opvio pa henter universo, tantu na hende komo na angelnan.
Kon bon bo por diserní e kontraste entre bon i malu? Di kon ta importante pa nos hasi esei? (Wak Hebr. 5:14.)
25