les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 3: E Evangelio Eterno
E Evangelio Eterno
Lesa pa e siman aki:
Rev. 14:6-12; 1 Kor. 15:1-4; Rom.3:24-26; l Pe. 1:18-20; Mat. 28:19, 20; Echonan 1:8.
TEKSTO PRINSIPAL:
"E ora ei mi a mira un angel ku ta bula altu den laria. E mester a trese pa e habitantenan di mundu, pa kada rasa i tribu, pa kada idioma i pueblo, un mensahe, un bon notisia ku ta keda semper na vigor" (Revelashon 14:6).
sabbat, 08-04-2023
Na Israel antiguo, ora e paganonan rònt di nan tabata politeista, adorando múltiple "dios" di palu i piedra, a haña Israel su deklarashon di fe kla, identifikabel i poderoso den Deuteronomio 6:4: "'Tende, O Israel! SEÑOR ta nos Dios, SEÑOR ta ún!'" (Beibel Santu).
A lo largu di siglonan, e kantamentu di e shema (nòmber di e orashon, basá riba e palabra hebrea "tende") tabata kòrda e hudiunan riba e vishon spiritual ku tabata uni nan komo un pueblo i ku tabata fortalesé nan resolushon pa mantené nan identidat úniko komo adoradónan di esun Dios berdadero. Pa Atventistanan di Shete dia, e mensahenan di e tres angelnan den Revelashon 14 ta nos shema.
Nan ta nos deklarashon di fe ku ta identifiká nos. Nan ta definí ken nos ta komo un pueblo i ta deskribí nos mishon na e mundu. En breve, ta deliniá nos identidat profétiko úniko den Revelashon 14:6-12, , i ta aki nos ta haña nos pashon pa proklamá e evangelio, na e mundu. Den e lès di e siman akí nos lo kuminsá un estudio detayá di Revelashon 14:6-12, pero nos lo hasi esei a traves di e wowonan di grasia segun ku nos ta skucha Dios paplando na nos kurason.
31