les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 3: E Evangelio Eterno
Den HENTER MuNDU
Lesa pa e siman aki:
Rev. 14:6-12; 1 Kor. 15:1-4; Rom.3:24-26; l Pe. 1:18-20; Mat. 28:19, 20; Echonan 1:8.
TEKSTO PRINSIPAL:
"E ora ei mi a mira un angel ku ta bula altu den laria. E mester a trese pa e habitantenan di mundu, pa kada rasa i tribu, pa kada idioma i pueblo, un mensahe, un bon notisia ku ta keda semper na vigor" (Revelashon 14:6).
djarason, 12-04-2023
Lesa Revelashon 14:6 atrobe. Kiko ta ekstenshon di e proklamashon di e evangelio eterno, i di kon e kontesta ta importante pa nos i nos mishon i yamada komo iglesia?
Di akuerdo ku e mensahe urgente di tempu di fin di e promé di e tres angelnan akí, mester proklamá e "evangelio eterno" na tur nashon, tribu, lenga i pueblo. Aki tin un mishon asina grandioso, asina grandi, asina fantástiko, i asina integral, ku e ta konsumí tur kos. E ta demandá nos mihó esfuersonan i ta rekerí nos kompromiso total. E ta hiba nos di preokupashon pa nos interes propio, na un pashon pa servisio di Kristu. E ta inspirá nos ku algu mas grandi ku nos mes i ta hiba nos for di e límitenan smal di nos mente na un vishon mas grandioso.
Lesa Mateo 28:19, 20. Kon e versíkulonan akí ta konektá ku e mensahe di e promé angel?
Den su buki, A Quest for More: Living for Something Bigger Than You, Paul David Tripp ta diskutí e nesesidat sikológiko di tur ser humano pa ta parti di algu mas grandi ku nan mes: "A krea ser humano pa ta parti di algu mas grandi ku nan propio bida. Piká ta pone nos kremp nos bida na e sais di nos bida. Kristu ta duna nos Su grasia pa reskatá nos for di e límitenan kloustrofóbiko di nos mes reino chikitu ku ta enfoká riba nos mes i ta libra nos pa biba pa e propósitonan eterno i delisianan satisfaktorio di e reino di Dios."
No tin nada mas inspiradó, mas efektivo, mas benefisioso ku ta parti di un movementu divino, providensialmente elevá pa Dios, pa kumpli ku un tarea muchu mas grandi, muchu mas abundante, ku niun solo ser humano hamas lo por a kumpli riba su mes. E mandato duná pa Dios, deskribí den Revelashon 14, ta e tarea di mas grandi ku hamas a enkomendá na Su iglesia. E ta un apelashon sinsero pa duna nos bida na e tarea di mas grandioso di shelu pa revelá Dios su amor inkomprendibel promé ku e regreso di Hesus.
Kiko tabata bo propio eksperensia di ta enbolbí den algu mas grandi ku bo mes? Kon e eksperensia ei ta yuda bo komprendé e punto di e estudio di awe? Tambe, kiko lo por ta mas grandi ku ta usá pa e Kreador di e kòsmòs pa asina hasi un diferensia eterno den universo?
35