les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 4: Teme Dios i dune gloria
Teme i obedesé Dios
Lesa pa e siman aki:
Revelashon 14; Gén. 22:12; Pred. 12:13, 14; Kol. 3:1, 2; Hebr. 12:1, 2; 1 Kor. 3:16, 17.
TEKSTO PRINSIPAL:
"Aki ta konta perseveransia di esnan ku ta pertenesé na Dios, di esnan ku ta kumpli ku Dios su mandamentunan i ta keda tene na e fe den Hesus" (Revelashon 14:12).
djaluna, 17-04-2023
Kiko mas Beibel ta siña nos tokante loke ta nifiká teme Dios?
Lesa Deuteronomio 6:2; Salmo 119:73, 74; i Predikador 12:13, 14. Kiko e tekstonan akí ta revelá ku ta resultado di "teme Dios"?
E pasashinan akí ta revelá un konekshon entre teme Dios i warda su mandamentunan. Teme Dios ta un aktitut di respet deboto ku ta hiba nos na obediensia. Shelu su apelashon urgente ta pa esnan, ku ta salbá pa grasia, ta obediente na e mandamentunan di Dios (Efe. 2:8-10). Grasia no ta libra nos di obedesé e mandamentunan di Dios. E evangelio ta hasi nos liber di e kondenashon di lei, no di nos responsabilidat pa obedes'é.
Grasia no solamente ta libra nos di e kulpa di nos pasado, sino e ta empoderá nos pa biba bidanan obediente i santu den presente. Apostel Pablo ta deklará ku "nos a risibí grasia di ta apostel i asina hiba esnan no hudiu na obediensia n'E dor di nan fe den djE" (Rom. 1:5).
Tin algun hende ku tin e idea straño ku salbashon pa medio di grasia di algun manera ta ninga e lei di Dios òf ta minimalisá e nesesidat pa obediensia. Nan ta kere ku kualke papiamentu tokante obediensia ta legalismo. Nan a deklará: Tur loke mi ke ta Hesus. E pregunta ta:"Kua Hesus?" Un Hesus ku nos mes a fabriká òf e Hesus di Skritura? E Kristu di Skritura nunka ta guia nos pa bagatelisá Su lei, ku ta e transkripshon di Su karakter. E Kristu di Skritura nunka ta hiba nos na minimalisá e doktrinanan di Beibel, ku ta revelá mas klaramente ken E ta i kua ta Su plan pa e mundu akí. E Kristu di Skritura nunka ta hiba nos na redusí Su siñansanan na tópikonan piadoso ku no ta esensial. Kristu ta e enkarnashon di tur berdat doktrinal. Hesus ta berdat enkarná. E ta doktrina bibá.
Revelashon su último apelashon ta pidi nos, a traves di fe den Hesus, pa aseptá e plenitut di tur kos ku E ta ofresé. E ta pidi nos pa "teme Dios", loke nos ta ekspresá pa medio di fe den Su poder redentor pa empoderá nos pa biba bidanan santu i obediente.
Kon Hesus su palabranan akinan-“No tene miedu di esnan ku por mata kurpa di hende, ma no por mata su alma sí; mas bien tene miedu di Dios ku tin poder pa destruí kurpa i alma den fièrnu” (Mat. 10:28) ta yuda nos komprondé loke ta nifiká teme Dios?
44