les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 5: E Bon Notisia di e Huisio
E Bon Notisia di e Huisio
Lesa pa e siman aki:
Rev. 14:7; Salmo 51:1-4; Rev. 20:12; Dan. 7:9, 14, 26; Rev. 4:2-4; Rev. 5:1-12.
TEKSTO PRINSIPAL:
"El a grita ku stem duru: 'Tene respet di Dios i dun'E honor, pasobra e ora di su huisio a yega. Adorá Esun ku a traha shelu i tera i laman i bròn di awa!' " (Revdashon I4:7).
sabbat, 22-04-2023
Si Beibel tabata masha kla tokante kualke kos, e ta kla ku Dios ta un Dios di huisio, i ku trempan òf lat, di un manera òf otro, huisio-e huisio ku ta hasi asina falta aki i awor-ta bai bini i Dios Mes, "e Hues Supremo di henter mundu", ta bai atministr'é (Gén. 18:25; wak tambe Salmo 58:11, , Salmo 94:2, , Salmo 98:9). Òf, manera Pablo mes a skirbi: "Ke men ku kada un di nos mester duna kuenta na Dios di su mes echonan!" (Rom. 14:12).
Pensamentu spantoso, no ta berdat? Ku nos tin ku duna kuenta di nos mes dilanti di Dios, e Dios kende sa e kosnan di mas profundo, e Dios kende lo "husga tur kos ku bo hasi, asta loke hende no por mira, sea ku ta algu bon òf algu malu" (Pred. 12:14)?
Tòg, finalmente e huisio ta revelá e bondat i e grasia di Dios i ku E ta tantu hustu komo mizerikordioso den kon E ta trata ku esnan salbá, i asta ku esnan pèrdí.
E siman akí nos lo eksplorá e temanan di mas profundo di e huisio relashoná ku e gran konflikto ku ta kontinuá ku pleno vigor den universo, i nos lo wak spesialmente tokante loke ta sosodé ora e pueblo fiel mes di Dios ta enfrentá e "huisio benidero" inevitabel (Echonan 24:25).
53