les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 6: E Ora di Su Huisio
Mas estudio:
Lesa pa e siman aki:
Daniel 8; Daniel 9; Esdras 7; Mat. 3:13-17; Rom. 5:6-9; Marko 15:38; Lev. 16:16.
TEKSTO PRINSIPAL:
"Den tur esaki, tene kuenta ku e tempu ku nos ta biba aden i sa ku e ora a yega pa boso lanta for di soño. Pasobra awor akí nos salbashon ta mas serka ku tempu nos a kuminsá kere den e bon notisia. Ta lat den anochi kaba i di dia ta serka di habri (...)" (Romanonan 13:11, 12).
djabierne, 05-05-2023
Ata un manera lihé i fásil pa wak e profesia di 70 siman di Daniel 9:24-27. Di promé, e 70 simannan (Dan. 9:24).
Despues, e shete simannan i sesentidos simannan òf 69 siman (Dan. 9:25) i e 70 simannan.
Tin e último siman, e di setenta (Dan. 9:27).
I, finalmente, ta parti e último siman ei-"meimei di e siman" (Dan. 9:27) den dos sekshon di tres aña i mei.
Esei ta tur kos. Setenta siman, ku ta konsistí di sesentinuebe siman i un siman. I esun siman ei ta partí na mitar. Djis hinka e fecha, 457 p.K., aden na kuminsamentu, i ku matemátika simpel-sí, nos ta yega na 1844 riba e liña di empu.
Tambe, ora e ta papia tokante di e 2.300 dianan, Daniel nunka a bisa ki dia e 2.300 dianan a kuminsá. "Dos mil tresshen atardi i mainta. Despues lo konsagrá e tèmpel atrobe" (Dan. 8:14). Dos mil tresshen dia-for di ki dia? Di kon no for di dia Daniel tabatin e vishon mes, e "di tres aña ku Belshasar tabata rei" (Dan. 8:1)? Esei no ta funshoná. E vishon den Daniel 8 no tabata inkluí Babilonia. El a kuminsá ku eventonan despues di dje, es desir, Medo i Persia, Gresia, Roma, te na "e fin". Pakiko data un evento, purifikashon di e santuario, ku ta den e vishon, for di un evento, Babilonia, ku no ta? E fecha di inisio pa e klímaks di e vishon mester bini for di paden di e vishon mes, loke a kuminsá ku Medo i Persia i ta ekstendé te na "e fin". Esei ta hopi aña.
Kua a kumins'é? No ta bisa nos den Daniel 8. Ta bisa nos den Daniel 9.
PREGUNTA PA DISKUSHON:
1. Den klas, diskutí e relashon estrecho entre e evangelio i huisio manera nos ta mira den e dos partinan akí di loke ta, realmente, un profesia. Di kon e konekshon entre nan dos ta asina bon notisia pa nos? Kon e konekshon akí mester yuda aliviá e miedu ku hopi hende tabatin enkuanto di e idea di huisio.
2. Reflekshoná mas riba e bèrdat, revelá den Daniel 9:26, , ku a kòrta e Mesias kita afó, pero "E no tabata kulpabel". Di kiko esaki ta papiando? Pa ken a kòrt'E kita afó, i di kon?
3. Lesa Levítiko 16 i Levítiko 23:26-29 atrobe. Papia tokante e motibu pa purifikashon di e santuario (Lev. 16:16) i kon e pueblo ta suponé di aktua ora e tuma lugá (Lev. 23:26-29). Kiko ta e relashon entre loke ta sosodiendo akinan, i loke e mester nifiká pa nos awe?
70