les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 6: E Ora di Su Huisio
E Ora di Su Huisio
Lesa pa e siman aki:
Daniel 8; Daniel 9; Esdras 7; Mat. 3:13-17; Rom. 5:6-9; Marko 15:38; Lev. 16:16.
TEKSTO PRINSIPAL:
"Den tur esaki, tene kuenta ku e tempu ku nos ta biba aden i sa ku e ora a yega pa boso lanta for di soño. Pasobra awor akí nos salbashon ta mas serka ku tempu nos a kuminsá kere den e bon notisia. Ta lat den anochi kaba i di dia ta serka di habri (...)" (Romanonan 13:11, 12).
sabbat, 29-04-2023
Vários aña pasá, revista National Geographic a konta tokante di un kandela di mondi na Yellowstone National Park na Estádos Unídos. Despues ku el a terminá, wardadónan di mondi a subi un seru pa evaluá e daño. Un vigilante a haña un para literalmente kompletamente kimá na pia di un palu. Un poko malu pa e bista straño, el a bòltu e para ku un palu.
Ora el a dal e, tres yu di para chikitu a kore sali for di bou di e alanan di nan mama morto. E mama amoroso, di forma skerpi, konsiente di desaster menasante, a karga su yunan hiba na base di e palu i a reuní nan bou di su alanan. E por a bula bai na seguridat, ma el a nenga di bandoná su yuchinan. Ki un kuadro di e kreyente ku ta seif den Kristu!
E kandelanan di e huisio di Dios a kima nan mes riba djE, na Kalvario, i tur ku ta den Kristu ta seif pa semper bou di Su alanan. Na e krus, a husga Kristu komo un pekadó kondená, pa asina por a husga nos komo siudadanonan hustu di e reino selestial. A husg'E komo un kriminal pa asina por a libra nos di e kandelanan destruktivo di perdida eterno, tantu figurativo komo, sí, literalmente, tambe.
64