les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 7: Adorando e Kreador
Mas estudio:
Lesa pa e siman aki:
Rev, 1:9; Isa. 40:26; 2 Kor. 5:17; Kol. 1:17; Rev. 411; Huan 19:16-30.
TEKSTO PRINSIPAL:
"Señor, nos Dios, Bo ta digno di risibí gloria, honor i poder, pasobra Bo a krea tur kos; dor di bo boluntat tur kos a kuminsá eksistí i ta kreá" (Revelashon 4:11).
djabierne, 12-05-2023
Adorashon di Dios ta sentral den e Skrituranan i semper tabata un punto di disputa pa hende i pa e pueblo di Dios. A lo largu di Testament Bieu e profetanan a reprendé e pueblo di Dios pasobra tabata adorá otro diosnan òf pa tabata adorá Señor usando e práktikanan di adorashon di e mundu pagano. E konflikto entre adorá Dios òf adorá otro diosnan ta pertenesé na e núkleo di e konflikto kósmiko i a bin kompañá pa indiferensia na e lei di Dios.
"Adorashon ta dirigí su mes riba e aspekto di mas fundamental di eksistensia humano den sentido ku e tin di aber ku loke hende komo kriatura bibu mester hasi ora nan konfrontá ku e presensia di e Kreador. (...) Solamente esnan ku ta bibu por adorá Señor; e mortonan no por alabá i ador'E. (...) Esun kende a krea nos ta invitá nos pa someté nos bida den e akto di adorá pa asina risibí nan bèk for di djE enrikesé, pa usa nan na benefisio di otronan. Adorashon tin di aber ku e naturalesa i propósito di nos eksistensia i ku e nesesidat pa nos tin un sentro pafó di nos mes ku ta libra nos di egoísmo. No adorá Dios ta, pèrde nos motibu di eksistensia; e ta, eksistí den un estado di desorientashon i, p'esei, ta muriendo, i bai den direkshon di ekstinshon total pasobra nos ta deskonektá for di e fuente di bida."-Ángel Manuel Rodríguez,"The Closing of the Cosmic Conflict: Role of the Three Angels' Messages", p. 42.
Preguntanan pa diskushon:
1. Reflekshoná mas riba e idea akí di di kon, den un mundu kaí, no ta sufisiente ku Dios a krea nos. Di kon nos mester di e promesa di Redenshon tambe?
2. Pensa riba algun eksperensia kaminda indudablemente bo a mira e poder di Dios obra den bo bida; es desir, den un forma ku a mustra bo e amor di Dios pa bo personalmente. I despues, reflekshoná riba e echo ku esaki ta Dios kende a krea henter e kòsmòs! I e Dios akí ta stima bo sufisiente pa ta preokupá pa bo bida. Di kon e realidat akí no mester ta solamente di alivio sino un humiliashon tambe?
3. Si evolushon tabata bèrdat, pensa riba kon lo a yama nos na adorá un Kreador ku a usa biónes di aña di morto, violensia, destrukshon, sufrimentu, i ekstinshon di masa pa asina krea nos, miéntras na mes momento ta duna nos un storia kompletamente diferente den Génesis tokante kon a krea nos. I tòg, nos ta suponé di ador'E? Ador'E pakiko? Pa a gaña nos pa míles di aña tokante kon nos a yega akinan, pa kuminsá?
83