Les di Sabbatskol

djadumingu, 07-05-2023

Despues di Su asenshon na shelu (Echonan 1:9), Hesus a bishitá e último di e apòstelnan bibu, Huan, riba e isla di Patmos, kaminda e emperador romano sin kompashon, Domisiano, a eksili'é.

Lesa Revelashon 1:9. Wak tambe Mateo 13:21, , Echonan 14:22 i Huan 16:33. Kiko e mensahe ta akinan pa tur ku ta trata na sigui Hesus den e mundu akí?

Separá for di e sosten di su famia, amigu, i e komunidat kristian, no a laga Huan su so den e tribulashon i problemanan ku e tabata enfrentá komo un siguidó di Hesus. Su ministerio no a kaba. Su testimonio no tabata kompleto. Un bishitante angelikal di brio sumamente bunita a bishitá Huan riba e isla solitario ei i a trese un mensahe direktamente for di e trono di Dios p'e. E mensahe for di Hesus akí tabata pa eko a traves di e pasionan di tempu a lo largu di e siglonan. E tabata un mensahe di speransa pa tur generashon, pero spesialmente un mensahe pa prepará Dios su pueblo di último dia pa e regreso di Hesus. E ta un mensahe di spiertamentu serio i tambe un mensahe di enkurashamentu di tempu di fin miéntras nos ta prepará pa enfrentá e pruebanan di e último dianan (òf kualke prueba ku kisas bo por ta enfrentando aktualmente).

Si bo mester a drenta e kueba kaminda ta suponé ku e angel selestial a bishitá Huan ku e vishon profétiko di Revelashon, inmediatamente lo bo a nota e palabranan poné riba un plakat na su entrada, resumiendo henter e buki di Revelashon: "Tene respet di Dios i dun'É honor, pasobra e ora di su huisio a yegá. Adorá Esun ku a traha shelu i tera i laman i bròn di awa!" (Rev. 14:7).

E tema sentral den e buki di Revelashon ta adorashon. A krea nos komo sernan adoradó. Kada un di nos ta adorá algu òf un hende. Berdadero adorashon, adorashon di e Kreador, ta kapasitá nos pa deskubrí e berdadero propósito di bida. E ta duna nos un motibu pa biba. E ta duna nos no solamente algu pa muri p'e sino, ainda mas signifikante, algu pa biba p'e i, si mester, pa soportá tribulashonnan p'e. I enbèrdat, ora e krísisnan final surgi, nos lo komprendé mihó e palabranan ku "nos mester pasa hopi tribulashon pa drenta reino di Dios" (Echonan 14:22).

Si sirbídónan fiel, manera Huan, ta enfrentá sufrimentu i tribulashon, kiko ta pone nos pensa ku nos, nos mes, lo no enfrentá problema? (wak 1 Pe. 4:12-15.)

78