les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 8: Sabat i e Fin
Sabat i e Fin
Lesa pa e siman aki:
Hakobo 2:8-13; Deut. 5:12-15; Salmo 33:6, 9; Revelashon 14; 2 Pe. 3; Rev. 21:1.
TEKSTO PRINSIPAL:
"Ami mester laga tur hende mira kon e boluntat di Dios ei, ku durante tur e siglonan ku a pasa tabata skondí den Dios, kreador di tur kos, ta keda kumplí" (Efesionan 3:9).
sabbat, 13-05-2023
E sensia di humanidat su dignidat ta un kreashon komun. E echo ku Dios a krea nos di forma úniko ta duna balor na tur ser humano. E yu no nasí den barika di e mama, e teenager desabilitá, e hóben adulto ku síndrome di Down, i e wela aflihí pa Alzheimer, tur tin balor inmenso pa Dios. Dios ta nan Tata. Nan ta su yunan hòmber i muhé. "Dios ku a krea universo i tur loke e ta kontené, e Señor di shelu i tera, no ta biba den tèmpel trahá pa man di hende. (...) For di un hende El a krea tur pueblo pa biba rònt mundu. (...)" (Echonan 17:24-26). Nos tin un herensia kompartí. Nos ta pertenesé na e mesun famia. Nos ta rumannan hòmber i muhé, modelá, formá, i moldiá pa e mesun Dios. Kreashon ta proveé un sentido berdadero di balor propio. Ora e DNA i kromosomanan a bini huntu pa forma e struktura biológiko úniko di bo personalidat, Dios a tira e patronchi afó. Den henter universo no tin unu meskos ku bo. Bo ta úniko, un kreashon úniko den su klase, un ser di balor asina inmenso ku, e Dios, kende a krea kòsmòs, a tuma riba Su mes nos kurpanan di karni i a ofresé Su mes komo un sakrifisio pa bo i bo pikánan!
88