Les di Sabbatskol

djarason, 17-05-2023

E gran konflikto, ku a kuminsá den shelu milenionan pasá, tabata relashoná ku Dios su outoridat. E desafio ta keda mesun kos awendia tambe.

Lesa Revelashon 14:7 , 9 i 12. Resumí e versíkulonan akí kompletando e frasenan riba e liñanan aki bou.

Revelashon 14:7 ta un yamada pa 
Revelashon 14:9 ta un apelashon solem pa no 
Revelashon 14:12 ta deskribí un pueblo ku 

E pasashinan akí ta aklará ku e tema sentral den e konflikto den e último dianan entre bon i malu, Kristu i Satanas, ta adorashon. Nos ta adorá e Kreador òf e bestia? I pasobra Kreashon ta forma e base di tur nos kreensianan (despues di tur kos, kiko nos ta kere ku tin kualke sentido aparte di Dios komo nos Kreador?), Sabat di e di shete dia-implantá den e relato di Kreashon di Génesis mes (Gén. 2:1-3)-ta para komo e señal eterno i inmutabel di e Kreashon ei. E ta e señal di mas básiko di e siñansa di mas básiko. E úniko kos mas fundamental kuné ta Dios Mes.

P'esei, usurpá Sabat di e di shete dia ta nifiká, usurpá e outoridat di Señor na e nivel di mas prinsipal posibel, esun di E komo Kreador. E ta, bai patras di tur kos i sak'é ku rais ku tur. E ta, en realidat, trata na tuma e lugá di Dios Mes (2 Tes. 2:4).

Naturalmente, e kuestion real den e último dianan ta nos amor i lealtat na Hesus. Pero di akuerdo ku Beibel, ta ekspresá e amor akí den obediensia na e mandamentunan ( Huan 5:3, , Rev. 14:12)-i Sabat so entre e mandamentunan ta bai patras di tur kos pasobra e so ta mustra na Dios komo Kreador (Eks. 20:8-11). Nada straño ku e lo ta e símbolo eksterno di e divishon final entre esnan ku ta adorá Señor i esnan ku ta adorá e bestia (Rev. 14:11, 12). Konsiderando kon básiko i fundamental Sabat ta pa tur otro kos, ta difísil mira kon e kuestion final di adorá e Kreador lo por ta tokante kualke otro kos.

Hopi hende ta argumentá ku no ta hasi díferensia ki dia un hende ta warda komo Sabat, tanten ku nos warda unu. Kon nos ta kontestá e argumento ei ku Beibel?

92