Les di sabbatskol kuartaal 2, aña 2023, Titula: E TRES MENSAHENAN KÓSMIKO

Les 8: Sabat i e Fin

Mas estudio:

Lesa pa e siman aki:

Hakobo 2:8-13; Deut. 5:12-15; Salmo 33:6, 9; Revelashon 14; 2 Pe. 3; Rev. 21:1.

TEKSTO PRINSIPAL:

"Ami mester laga tur hende mira kon e boluntat di Dios ei, ku durante tur e siglonan ku a pasa tabata skondí den Dios, kreador di tur kos, ta keda kumplí" (Efesionan 3:9).

djabierne, 19-05-2023

"E motibu proveé (...) pa adorá Dios ta ku E ta Kreador. Den liturgia selestial, sernan selestial a ekspresá e idea den un forma masha konsiso: 'Pasobra Bo a krea tur kos' ([Rev.] 4:11). Riba tera, mester enfatisá Dios su kreashon mas tantu posibel, asina ta ku e angel ta bisa, 'Adorá Esun ku a traha shelu i tera i laman i bròn di awa' ([Rev.] 14:7). A indiká korektamente ku e angel ta usando e lenguahe di e di kuater mandamentu pa hustifiká e yamada pa adorá Dios (Eks. 20:11). (...) "Denter di e Dekálogo e mandamentu di Sabat ta para komo su seyo, den sentido ku e ta identifiká ken Dios ta-e Kreador; ta konfirmá e teritorio ku E ta goberná-tur kos ku El a krea; i ta revelá Su derecho di goberná-pasobra El a krea tur kos. Pa e dragon triunfá, e mester a, di un òf otro manera, pone e konmemorativo akí un banda."-Ángel Manuel Rodríguez, "The Closing of the Cosmic Conflict: Role of the Three Angels' Messages", p. 40, 41.

PREGUNTA PA DISKUSHON:

1. Kon e mensahe di Sabat ta kontestá e gran preguntanan di bida, manera di unda mi a bini, di kon mi ta akinan, i kiko ta mi destino eterno?
2. Reflekshoná riba e maravia di Kreashon. Reflekshoná riba e milager di nos mes eksistensia den e universo enorme akí. Kiko e echo ku e konmemorativo prinsipal di e kreashon akí, Sabat, ta bini serka nos (kontrali na nos bai serka dje) tur siman sin eksepshon, mester siña nos tokante kon importante e doktrina di Kreashon ta?
3. Den Daniel 3 i Daniel 6, kon bo ta mira e tema di adorashon desempeñá den e relatonan inspirá akí? Kiko nos ta haña den e relatonan akí ku por yuda nos prepará i antisipá ki desafio Dios su pueblo fiel lo enfrentá durante e krísis rònt di "e marka di e bestia"?
4. Kon nos ta mustra un hende ku ta kere den e miónes, asta biónes, di añanan di evolushon komo e medio di kreashon, e irashonalidat di warda Sabat di e di shete dia komo un konmemorativo na e kreashon ei?

94