les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 8: Sabat i e Fin
Huisio, kreashon i responsabilidat
Lesa pa e siman aki:
Hakobo 2:8-13; Deut. 5:12-15; Salmo 33:6, 9; Revelashon 14; 2 Pe. 3; Rev. 21:1.
TEKSTO PRINSIPAL:
"Ami mester laga tur hende mira kon e boluntat di Dios ei, ku durante tur e siglonan ku a pasa tabata skondí den Dios, kreador di tur kos, ta keda kumplí" (Efesionan 3:9).
djadumingu, 14-05-2023
Si nos ta meramente un kolekshon di sèl formá kon ku ta, simplemente produkto di kasualidat i un makaku afrikano avansá, nada mas, e ora ei bida tin poko nifikashon. Si nos ta simplemente un di e ocho bion di hendenan kalkulá, garando un na otro pa espasio pa biba riba un planeta yamá Tera, bida ta pèrdè su propósito, otro for di simpel sobrebibensia. Kontrali na esei, Kreashon bíbliko ta proveé un motibu pa biba i un moral imperativo pa bida. Dios a krea nos i nos ta responsabel na djE pa nos akshonnan. Esun ku a traha nos ta tene nos responsabel. El a establesé límite, asta den un mundu di "relativismo moral".
Lesa Revelashon 14:7, , Romanonan 14:10 i Hakobo 2:8-13. Kiko huisio ta impliká tokante temanan manera responsabilidat? Kon huisio, e mandamentunan di Dios i adorashon ta konektá ku otro?
E mensahenan di e tres angelnan ku ta bulando meimei di shelu den Revelashon 14 ta anunsiá ku "e ora di Su huisio a yega" (Rev. 14:7). Ya ku Dios a krea nos ku kapasidat pa hasi eskoho moral, nos ta responsabel pa e desishonnan ku nos ta tuma. Si nos tabata simplemente un kolekshon kasual di sèl, produkto di nos genétika i ambiente solamente, forsanan ku nos no tabatin kontrol riba dje lo a determiná nos akshonnan pa gran parti.
Pero huisio ta impliká responsabilidat moral. Den e ora di krísis akí di historia di tera, e ora di huisio, Dios ta yama nos pa tuma desishonnan pa eternidat. E apelashon serio di e promé angel pa "Adorá Esun ku a traha shelu i tera i laman i bròn di awa" (Rev. 14:7) ta rekonosé ku e base di tur adorashon ta e echo ku Dios a krea nos.
Mientrastantu, nos deboshon na e Sabat di shete dia ta demostrá nos kreensia ku Hesus ta digno pa ador'E komo nos Kreador. E ta revelá nos aseptashon di Su lei di Dies Mandamentu komo prinsipionan divinamente inspirá pa biba bida na máksimo. Pa motibu ku e lei ta e fundeshi di Dios su gobiernu i un revelashon di Su karakter, e ta bira e norma di huisio. Nos fieldat na e mandamentu di Sabat ta rekonosementu di nos kompromiso pa biba bidanan obediente.
Kon nos komprendemenu di Kreashon ta influensiá nos komportashon? Ki relashon genétika i ambiente tin ku e eskohonan ku nos ta hasi diariamente? Kon nos por, pa e grasia di Dios, vense defektona di karakter ku nos no a skohe pa nos tin, na promé lugá?
89