les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 8: Sabat i e Fin
Sabat i kreashon
Lesa pa e siman aki:
Hakobo 2:8-13; Deut. 5:12-15; Salmo 33:6, 9; Revelashon 14; 2 Pe. 3; Rev. 21:1.
TEKSTO PRINSIPAL:
"Ami mester laga tur hende mira kon e boluntat di Dios ei, ku durante tur e siglonan ku a pasa tabata skondí den Dios, kreador di tur kos, ta keda kumplí" (Efesionan 3:9).
djaluna, 15-05-2023
Ta pa motibu ku nos mundu tin nesesidat asina desesperadamente di e mensahe trankilisante di Kreashon, Dios a duna nos e Sabat. Meimei di siglo 19, ora e hipótesis evolutivo tabata hasi e mundu intelektual popular, Dios a manda un mensahe di speransa inkreibel. Nos a bin ta studia e mensahe akí, hañá den Revelashon 14:6, 7.
Satanas a hasi tur intento pa deformá e idea di Kreashon pasobra e ta odia Hesus i no ke pa E risibí e adorashon ku nos deb'E komo nos Kreador i Redentor. Sabat ta den sentro di e gran konflikto riba Kristu su dignidat pa risibí adorashon komo nos Kreador. Dios su mensahe di último dia ta unu ku ta yama henter humanidat bèk pa adorá Kristu komo e Kreador di shelu i tera. E base di tur adorashon ta e echo ku El a krea nos.
Lesa Génesis 2:1-3, , Eksodo 20:8-11 i Deuteronomio 5:12-15 den konteksto di Revelashon 14:6, 7. Kon nos ta mira, den e mandamentu di Sabat, e konekshon entre Kreashon i Redenshon tambe?
Sabat ta un símbolo eterno di nos sosiegu den djE. E ta un señal spesial di lealtat na e Kreador (Ezek. 20:12, 20). Mas ku un rekerimentu legalista arbitrario, e ta revelá ku ta haña berdadero sosiegu di hustifikashon pa medio di obranan den djE. Sabat ta papia di un Dios kende a logra pa nos loke nos nunka lo por a hasi pa nos mes.
Skritura ta yama nos pa sosegá den Su amor i kuido kada Sabat. Sabat ta un símbolo di sosiegu, no di obra; di grasia, no legalismo; di siguridat, no kondenashon di dependé riba djE, no riba nos mes. Kada Sabat nos ta regosihá den Su bondat, i alab'E pa e salbashon ku nos por haña solamente den Kristu.
Sabat ta tambe e konekshon eterno entre e perfekshon di Eden den pasado i e gloria di e shelunan nobo i e tera nobo den futuro (Isa. 65:17, , Rev. 21:1).
Sabat ta yama nos bèk na nos raisnan. E ta un konekshon na nos famia di orígen. For di dia ku tempu a kuminsá, a warda Sabat kontinuamente. E ta un konekshon intakto a lo largu di tempu bèk te na nos kreashon. E ta tene nos enfoká riba e bèrdat glorioso ku nos ta yunan di Dios. E ta yama nos na un relashon íntimo i será kunE.
Kon ta mustra na e mandamentu di Sabat den Revelashon 14:6,7, , i di kon e ta importante pa nos mensahe di tempu di fin? (Wak Eks. 20:8-11.)
90