les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 8: Sabat i e Fin
Un engaño no asina sutil
Lesa pa e siman aki:
Hakobo 2:8-13; Deut. 5:12-15; Salmo 33:6, 9; Revelashon 14; 2 Pe. 3; Rev. 21:1.
TEKSTO PRINSIPAL:
"Ami mester laga tur hende mira kon e boluntat di Dios ei, ku durante tur e siglonan ku a pasa tabata skondí den Dios, kreador di tur kos, ta keda kumplí" (Efesionan 3:9).
djamars, 16-05-2023
Den un intento pa destruí e singularidat di nos kreashon, diabel a introdusí un falsifikashon no asina sutil. E falsifikashon, aseptá pa asta algun entre nos, ta bai asin'aki. Dios ta e kousa prinsipal di kreashon, pero El a tuma siglonan largu pa trese bida na eksistensia. Evolushon tabata e proseso ku El a usa. E aserkamentu akí ta purba harmonisá "dato sientífiko" ku e relato di Génesis. E ta afirmá ku e dianan di kreashon ta periodonan largu di tempu i indefiní i ku bida riba tera ta biónes di aña bieu.
Lesa Salmo 33:3, 9 i Hebreonan 11:3. Kiko e pasashinan kla di Beibel akí ta bisa nos tokante kon Dios a krea mundu?
E relato bíbliko ta kla. Dios "a papia, i asina tabata; El a duna òrdu, i esei a bin na eksistensia" (Salmo 33:9, , Beibel Santu). "Pasobra nos tin fe, nos ta komprendé ku Dios a krea universo pa medio di su palabra" (Hebr. 11:3). E promé kapítulo di Génesis ta afirmá ku Dios a krea mundu den literalmente seis dia di 24 ora i a sosegá riba e di shete. E struktura lingwístiko di Génesis 1 i 2 no ta permití nada mas. Asta eruditonan ku no ta kere den e Kreashon di seis dia literal ta rekonosé ku e outor su intento tabata pa siña e Kreashon di seis dia.
E palabra hebrea pa "dia" den Génesis 1 ta "yom". A lo Jargu di Beibel, tur biaha ku un kantidat modifiká "yom" komo athetivo (di tres dia, promé dia, loke sea), e ta limitá e período di tempu na 24 ora. No tin ni un solo ehèmpel den Beibel kaminda un numeral ku ta modifiká e sustantivo "yom" ta indiká un período indefiní. Sin eksepshon, semper e ta un período di 24 ora.
Tambe, i na e punto inmediato, si Dios no a krea mundu den literalmente seis dia, ki nifikashon Sabat di e di shete dia tin? Pakiko Dios lo a komand'é? Lo no tabatin ningun sentido etòl pa laga Sabat komo un herensia eterno di un siman di Kreashon di seis dia, si un siman di Kreashon di seis dia nunka a eksistí, pa kuminsá. Aseptá siglonan largu di kreashon ta desafiá e nesesidat mes pa e Sabat di e di shete dia. E ta lanta tambe preguntanan serio tokante di integridat di Skritura.
Atakando Sabat, Satanas ta desafiá e kurason mes di Dios su outoridat, i kiko por tabata mas efektivo, ku destruí e konmemorativo di Kreashon di seis dia, ku nenga e realidat di e Kreashon di seis dia? Nada straño ku asina tantu hende, inkluyendo kristian, ta ignorá e Sabat di e di shete dia. Ki un komposishon pa e engaño final.
91