les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 8: Sabat i e Fin
Sabat i sosiegu eterno
Lesa pa e siman aki:
Hakobo 2:8-13; Deut. 5:12-15; Salmo 33:6, 9; Revelashon 14; 2 Pe. 3; Rev. 21:1.
TEKSTO PRINSIPAL:
"Ami mester laga tur hende mira kon e boluntat di Dios ei, ku durante tur e siglonan ku a pasa tabata skondí den Dios, kreador di tur kos, ta keda kumplí" (Efesionan 3:9).
djaweps, 18-05-2023
Sabat ta un lugá di refugio den un mundu kansá. Kada siman nos ta laga e preokupashonnan di e mundu akí i ta drenta den Dios su sentro di refugioSabat. E famoso outor hudiu, Abraham Heschel, ta yama Sabat "un palasio den tempu". Kada di shete dia, e palasio selestial di Dios ta baha for di shelu riba tera, i Señor ta invitá nos den e gloria di Su presensia pa e periodo di 24 ora akí pa pasa un tempu di kompañerismo íntimo kunE.
Den su buki riba e bunitesa i solemnidat di Sabat, Heschel ta skirbi di e nifikashon di Sabat ku e palabranan akí: "Sabat ta un metáfora pa paraiso i un testimonio di e presensia di Dios; den nos orashonnan nos ta antisipá un era mesiániko ku lo ta un Sabat, i kada Sabat ta prepará nos pa e eksperensia ei: A ménos ku un hende siña kon pa saboriá e sabor di Sabat (...) hende lo ta inkapas pa disfrutá di e sabor di eternidat den e mundu benidero."
Na Kreasbon Hesus a traba un lugá di biba spesial pa nos. Nos por haña refugio ayanan. Nos por ta seif ayanan. Su trabou ta kompleto. E ta kumplí. Ora nos sosegá riba Sabat, nos ta sosegando den Su kuido amoroso. Nos ta sosegando den antisipasbon di nos sosiegu eterno den e shelunan nobo i e tera nobo ku ta bini pronto.
Lesa Isaias 65:17, , Isaias 66:22, 2 Pedro 3:13 i Revelashon 21:1. Kon warda Sabat ta mustra nos padilanti na eternidat?
E mesun Dios kende a krea Tera e promé biaha, lo kre'é atrobe, i Sabat ta keda un símbolo eterno di djE komo e Kreador (wak Isa. 66:23). De echo, e hudiunan a mira Sabat komo un símbolo, un antisipashon di loke tabata yama na bebreo e olam haba, e mundu benidero.
E mensahe di tres angel ku ta bula a traves di e shelunan, apelando pa nos adorá e Kreador, ta shelu su kontesta riba e desesperashon di hopi den siglo bintiun. E ta mustra nos na nos Kreador, Esun kende na promé lugá a traha tur kos, i na nos Redentor, Esun kende, despues di e huisio, despues ku eradiká piká, lo hasi tur kos bira nobo. "Esun sintá riba trono, a bisa: 'Tende, Mi ta hasi tur kos nobo.' Despues El a bisa: 'Skibi e kos akí, pasobra e palabranan akí ta fidedigno i konfiabel.' " (Rev. 21:5).
Kon personalmente bo por hasi Sabat un antisipashon di shelu den bo mes bida i esun di bo famia?
93