les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 9: Un Siudat Yamá Konfushon
Un Siudat Yamá Konfushon
Lesa pa e siman aki:
Rev. 17:1, 2, 15; Rev. 18:1-4; Rev. 17:4-6; Mat. 16:18; Yer. 50:33-38; Salmo 115:4-8.
TEKSTO PRINSIPAL:
"Nan lo bringa kontra e Lamchi, ma e Lamchi, huntu ku su siguidónan fiel ku Dios a skohe i yama, lo derotá nan, pasobra e Lamchi ta e Señor di mas altu i e Rei riba tur rei" (Revelashon 17:14).
sabbat, 20-05-2023
Ta resumí e tema di e gran konflikto den Revelashon ku e simbolismo di dos muhé: unu bistí ku solo, den Revelashon 12, i unu bistí na skarlata, den Revelashon 17.
Ta haña e símbolo yamativo di e muhé bistí ku solo, den e gloria sumamente bunita di Kristu, den Revelashon 12. E ta fiel na su amor berdadero, Hesus. E no ta shushá ku e korupshon di doktrina falsu. Den henter Beibel, un muhé puru ta simbolisá e bruit di Hesus, òf e iglesia berdadero. Den Yeremias 6:2, , e profeta ta bisa: "Lo mi kaba ku e yu muhé di Sion, esun asina bunita i delikado" (Beibel Santu). E profeta ta usa e ekspreshon "yu muhé di Sion" òf un muhé fiel pa deskribí e pueblo di Dios (Wak tambe Efe. 5:25-32 i Hoseas 2:20.)
Kontrali na esei, Beibel ta kompará apostasia ku prostitushon òf adulterio (Hakobo 4:4). Papiando di Israel su rebelion i infidelidat, Ezekiel ta lamentá: "Abo, muhé adúltero, ku ta entregá su mes na strañero na lugá di na su mes esposo!" (Ezek. 16:32).
Den e lès di e siman akí, nos lo studia e dos muhénan di Revelashon akí i proba, mas profundamente, e konflikto entre bèrdat i eror.
99