Les di sabbatskol kuartaal 2, aña 2023, Titula: E TRES MENSAHENAN KÓSMIKO

Les 9: Un Siudat Yamá Konfushon

Mas estudio:

Lesa pa e siman aki:

Rev. 17:1, 2, 15; Rev. 18:1-4; Rev. 17:4-6; Mat. 16:18; Yer. 50:33-38; Salmo 115:4-8.

TEKSTO PRINSIPAL:

"Nan lo bringa kontra e Lamchi, ma e Lamchi, huntu ku su siguidónan fiel ku Dios a skohe i yama, lo derotá nan, pasobra e Lamchi ta e Señor di mas altu i e Rei riba tur rei" (Revelashon 17:14).

djabierne, 26-05-2023

"E mensahe di Revelashon 14, anunsiando e kaida di Babilonia, mester apliká na kurpanan religioso ku un tempu tabata puru i a bira korupto. Ya ku e mensahe akí ta sigui e spiertamentu di e huisio, mester dun'é den e último dianan; p'esei e no por referí na e Iglesia Romano so, pasobra e iglesia ei tabata den un kondishon kaí pa hopi siglo."-Ellen G. White, The Great Controversy, p. 383.

Daniel 3-e storia di e tres hebreonan ku a haña e orden pa "adorá e estatua di oro, ku rei Nebukadnesar a laga traha" (Dan. 3:5) na Babilonia antiguo-ta para komo un símbolo, un modelo, di loke lo sosodé ora ku Babilonia spiritual, den e último dianan, lo imponé adorashon di un "imágen" falsu tambe (wak Rev. 13:15; Rev. 14:9, 11; Rev. 16:2; Rev. 19:20; Rev. 20:4). Ki interesante ta ku e mandamentu ku e tres hebreonan lo a violá, e di dos mandamentu (Eks. 20:4, 5), tabata un di e dos mandamentunan ku e poder akí, deskribí un otro kaminda komo esun ku ta trata "di kambia dianan fihá i leinan" (Dan. y:25), a manipulá kuné.

Kiko tabata e otro mandamentu ku el a manipulá kuné? Naturalmente, e di kuater mandamentu, ku, manera nos a mira i lo mira atrobe, ta sentral den henter e kuestion di adorashon i lo ta sentral den e krísis final ora nos enfrentá e kuestion di sea nos lo adorá Esun kende a "traha shelu, tera i laman i tur loke ta pertenesé na nan, pero riba e di shete dia El a sosegá" (Eks. 20:11; wak tambe Rev. 14:7), òf e bestia i su imágen.

PREGUNTA PA DISKUSHON:

1. Ki relashon e Toren di Babel tin ku Babilonia spiritual moderno? Kiko ta e similaridatnan entre nan dos?
2. Kon bo ta harmonisá dos idea kontrali? Hesus a duna outoridat na Su iglesia, pero ta peligroso pa pone nos eksperensia religioso den mannan di kualke lider spiritual. Kiko ta e límitenan di outoridat di iglesia?
3. Kon nos por siña ku idolatria, un di e pikánan di Babilonia, no ta solamente buig pa estatua? Den ki forma asta protestantnan por kai den idolatria?
4. Kiko ta algun otro paralelo ku bo por haña den Daniel 3 i e adorashon fòrsá einan, i di loke ta spierta nos den e último dianan?

105