les di Sabbatskol
otro idioma
Les di sabbatskol kuartaal 2, aña 2023, Titula: E TRES MENSAHENAN KÓSMIKO
Les 9: Un Siudat Yamá Konfushon
Dos sistema kontrali
Lesa pa e siman aki:
Rev. 17:1, 2, 15; Rev. 18:1-4; Rev. 17:4-6; Mat. 16:18; Yer. 50:33-38; Salmo 115:4-8.
TEKSTO PRINSIPAL:
"Nan lo bringa kontra e Lamchi, ma e Lamchi, huntu ku su siguidónan fiel ku Dios a skohe i yama, lo derotá nan, pasobra e Lamchi ta e Señor di mas altu i e Rei riba tur rei" (Revelashon 17:14).
djadumingu, 21-05-2023
Lesa Revelashon 12:17 i Revelashon 17:14. Kon ta deskribí e iglesia di Dios, i kiko ta Satanas su reakshon riba dje?
A traves di siglonan, Dios semper tabatin un pueblo ku tabata fiel na djE. Revelashon 12:7 ta deskribí nan fieldat komo esnan ku "ta warda e mandamentunan di Dios", i tambe ku otro kaminda ta deskribí komo "yamánan, skohínan, i fielnan" (Rev. 17:14, , Beibel Santu)..
Lesa Revelashon 14:8 i Revelashon 17:1, 2. Ki anunsio solem e angel ta hasi, i kiko Babilonia ta hasi pa garantisá un anunsio asina?
Huan a skirbi e buki di Revelashon na final di e promé siglo. Pa e tempu akí, e siudat antiguo di Babilonia tabata un montan di stàf. Ora Huan a skirbi e mensahenan den e buki Revelashon, e siudat literal di Babilonia tabata destruí pa mas ku vários siglo.
Den Revelashon ta tuma e siudat antiguo di Babilonia komo un tipo, àf símbolo, di e Babilonia di tempu di fin. Den e profesianan di Revelashon, Babilonia ta representá un sistema religioso falsu ku lo tin karakterístikanan similar na Babilonia di Testament Bieu. E prinsipionan ku tabata guia Babilonia lo ta e struktura ku ta sostené Babilonia spiritual moderno.
Den Revelashon 17:1-6, , un muhé bistí na püs i kòrá kimá ta kana ku dignidat a traves di e paisahe di tempu. E muhé akí ta kore riba un bestia kòrá kimá. Beibel ta yam'é un prostituta. El abandoná su amor berdadero, Hesu-Kristu. Aki apòstel Huan ta duna nos un representashon gráfiko di un sistema di religion apóstata ku tin influensia poderoso den mundu. Wak e fraseologia: e poder akí tabata un ku ken "e reinan di mundu a kometé akto di inmoralidat i e habitantenan di mundu a bebe nan mes burachi ku e biña di su inmoralidat" (Rev. 17:2). Burachi? Semper algu negativo den Beibel. I inmoralidat? Simbóliko di siñansa falsu, doktrina falsu, i práktika.
E poder akí a influensiá, di forma similar, tantu lider komo e pueblo komun negativamente. Kiko ta nos úniko protekshon? (lesa Efe. 6:10-18.)
100