les di Sabbatskol

Les di sabbatskol kuartaal 2, aña 2023, Titula: E TRES MENSAHENAN KÓSMIKO

Les 9: Un Siudat Yamá Konfushon

Misterio, e gran babilonia

Lesa pa e siman aki:

Rev. 17:1, 2, 15; Rev. 18:1-4; Rev. 17:4-6; Mat. 16:18; Yer. 50:33-38; Salmo 115:4-8.

TEKSTO PRINSIPAL:

"Nan lo bringa kontra e Lamchi, ma e Lamchi, huntu ku su siguidónan fiel ku Dios a skohe i yama, lo derotá nan, pasobra e Lamchi ta e Señor di mas altu i e Rei riba tur rei" (Revelashon 17:14).

djamars, 23-05-2023

Lesa Revelashon 17:4-6. Kiko e versíkulonan akí ta siña nos tokante di e naturalesa di e sistema malu akí?

Manera nos a mira, Revelashon 17 ta deskribí un sistema religioso apóstata ku ta introdusí den kristianismo hopi di e siñansanan di Babilonia di Testament Bieu.

"Pa buska un komprendementu di e naturalesa di Babilonia, nos tin ku bai bèk na su promé referensia di e registro bíbliko, den Génesis. Tur kos a kuminsá riba e sabana di e pais Shinar, un region na e parti suit di Mesopotamia, awe suit di Irak, yamá Babilonia. Ta einan a konstruí e Toren Di Babel, un símbolo di sufisiensia propio, preservashon propio, i independensia di Dios ([Gén.] 11:1- 4)."-Ángel Manuel Rodríguez, dokumento titulá "The Closing of the Cosmic conflict: Role of the Three Angels' Messages", p. 43.

A konstruí e Toren di Babel, e sitio di Babilonia antiguo, den desafio direkto ku e Palabra di Dias. E konstruktornan di Babel a konstruí e monumento akí pa nan propio gloria, i Dios a konfundí nan idioma. E relato di Génesis ta pon'é asin'aki: "Einan SEÑOR a bruha lenga di henter humanidat. For di einan El a pone nan plama riba henter mundu. P'esei e siudat yama Bábel" (Gén. 11:9).

Asina malu e sistema akí ta, ku ta deskribié di tabata "burachi di sanger di esnan ku ta pertenesé na Dios, di esnan ku a testiguá di Hesus" (Rev. 17:6)­ imágen hororoso di presis kon korupto Babilonia ta (wak tambe Isa. 49:26).

Básikamente, Babilonia spiritual ta representá un religion basá riba siñansa humano, establesé riba idea humano, i sostené pa tradishon humano. E ta un forma di religion trahá pa hende, trahá pa, kisas, lidernan religioso humano briante, pero e ta para den oposishon na e poder di e evangelio i e iglesia ku Hesus a traha, un iglesia trahá riba amor, no violensia.

E buki di Revelashon ta deskribí e dos sistemanan di religion akí. Esun promé ta revelá konfiansa total den Hesus i dependensia riba Su Palabra. Esun di dos ta revelá konfiansa den outoridat humano i dependensia riba maestronan religioso humano. Un tin un fe sentrá riba Kristu ku dependensia total riba Kristu su grasia, sakrifisio i ekspiashon pa salbashon. E otro ta un aserkamentu mmanista na fe ku ta remplasá e dependensia total riba Kristu pa salbashon ku un dependensia riba e tradishon di e iglesia.

Kon nos por protegé nos mes di e influensianan sutil di Babilonia, manera e tendensia, fásil manera e ta, di dependé riba nos mes i no totalmente riba Dios?

102