les di Sabbatskol

Les di sabbatskol kuartaal 2, aña 2023, Titula: E TRES MENSAHENAN KÓSMIKO

Les 9: Un Siudat Yamá Konfushon

Babilonia: sentro di idolatria

Lesa pa e siman aki:

Rev. 17:1, 2, 15; Rev. 18:1-4; Rev. 17:4-6; Mat. 16:18; Yer. 50:33-38; Salmo 115:4-8.

TEKSTO PRINSIPAL:

"Nan lo bringa kontra e Lamchi, ma e Lamchi, huntu ku su siguidónan fiel ku Dios a skohe i yama, lo derotá nan, pasobra e Lamchi ta e Señor di mas altu i e Rei riba tur rei" (Revelashon 17:14).

djaweps, 25-05-2023

Ata un otro klave pa identifiká e "misterio di e gran Babilonia" klaramente. Idolatria tabata na e sentro di adorashon babilóniko.

Lesa Yeremías 50:33-38 i Yeremías 51:17, 47. Kiko bo ta deskubrí den e versíkulonan akí tokante Babilonia antiguo su adorashon di imágen i Dios su reakshon riba dje?                                

Yeremías 50 i 51 ta predesí e destrukshon di Babilonia pa e medo i persianan. Un di e motibunan pa e kaida di Babilonia tabata nan idolatria. E babilónikonan tabata kere ku e imágennan akí tabata representashon di nan deidatnan. Den religion babilóniko, tabata konsiderá e kuido ritual i adorashon di e estatuanan di deidatnan sagrado; e diosnan tabata biba simultáneamente den nan estatua den tèmpel i den e forsanan natural ku nan tabata inkorporá. Tabata konsiderá e sakeo òf destrukshon di ídolo di ta perdida di patronahe divino; durante e periodo neobabilóniko, e prens kaldeo Marduk-apla-iddina II a hui bai den e murasnan suit di Mesopotamia ku e estatuanan di diosnan babilóniko pa salba nan di e ehérsitonan di Senakerib di Asiria (Jane R. Mclntosh, Ancient Mesopotamia: New Perspectives, ABC-CLIO, Inc.. [Santa Barbara, CA, 2005] p. 35-43). E profetanan di Beibel tabata kompará e adorashon di e imágennan sin bida akí ku e Kreador Dios, kende tabata tantu bibu komo dunadó di bida (Yer. 51:15, 16, 19).

Lesa Eksodo 20:4-6 i Salmo 115:4-8. Kiko nan ta siña tokante di idolatria?

Aunke e kuestionnan di e idolatria di Babilonia spiritual ta bai mas profundo ku solamente buig dilanti di imágennan di palu i piedra, Babilonia spiritual ta paralelo na Babilonia antiguo ku e imágennan introdusí den su servisio di adorashon. E uso di imágen komo opheto di adorashon, òf asina yamá "venerashon", ta un violashon di e di dos mandamentu pasobra, e ta limitá e abilidat di Spiritu Santu pa impreshoná e kosnan di eternidat riba nos mente i ta redusí e mahestat di Dios na un estatua sin bida. A introdusí e imágennan akí den kristianismo den di kuater siglo pa hasi kristianismo mas aseptabel pa e poblashon pagano. Desafortunadamente, hopi biaha ta duna e imágennan akí santidat i homenahe ku ta pertenesé na Dios so, loke ta hasi henter e kos spiritualmente degradante.

104