les di Sabbatskol

Les di sabbatskol kuartaal 1, aña 2024, Titula: E BUKI DI SALMO

Les 11: Anhelando pa Dios den Sion

RESA PA PAS DI HERUSALEM

Lesa pa e siman aki:

Salmo 84; Rev. 21:3; Salmo 122; Salmo 87; Gal. r28, 29; Mat. 28:18-20; Salmo 46; Salmo 125.

TEKSTO PRINSIPAL:

"Mi alma ta muri di anhelo pa plenchinan di tèmpel di SEÑOR; mi kurason, sí, tur mi ser ta grita di deseo pa Dios bibu" (Salmo 84:2).

djaluna, 11-03-2024

Lesa Salmo 122:1-5. Kua ta e sintimentunan di e adoradónan na nan yegada na Herusalem? Kiko nan ta spera di haña na Herusalem?

Salmo122 ta ekspresá e goso i emoshon di e peregrinonan na nan yegada na Herusalem. E peregrinashonnan na Herusalem tabata okashonnan di goso ora e pueblo di Dios tabata uni tres biaha durante aña pa konmemorá e bondat di Dios pa ku nan den pasado i presente (Deut. 16:16). Herusalem tabata e sentro di bida di e nashon, pasobra e tabata kontené "e Testimonio di Israel" (Salmo 122:4) i e trononan pa huisio (Salmo122:5). "E Testimonio di Israel" ta referí na e santuario ku nan tabata yama tin biaha "tabernakel di testimonio" (Num. 1:50, , Beibel Santu) i tabata kontené e "arka di Testimonio" (Eks. 25:22). E trononan poné pa huisio ta deskribí e sistema hudisial na Herusalem (2 Sam. 8:15). Peregrinashon tabata, e ora ei, e tempu ku hende por a buska i haña hustisia. Fieldat na Dios i suministrashon di hustisia na hende no mester a separá nunka.

Lesa Salmo 122:6-9. Kua ta e orashon prinsipal di e pueblo di Dios?

Resa pa e pas di Herusalem ta invoká e bendishonnan di Dios riba e stat i su habitantenan, i e ta uni e adoradónan, poniendo pas plama meimei di nan (Salmo 122:8). Herusalem por tabata e siudat di pas solamente si pas tabata eksistí entre Dios i Su pueblo, i entre e yunan di Dios mes. Pues, resa pa pas di Herusalem ta transmití un apelashon na e pueblo di Dios pa biba na pas ku Dios i ku otro. Den e pas di Herusalem, e pueblo lo prosperá (Salmo 14:12-14).

E salmo ta siña nos ku e orashon pa bienestar di e komunidat di fe mester ta e tema prinsipal di e orashonnan di e yunan di Dios, pasobra solamente e pueblo fuerte i uní di Dios por proklamá e bon nobo di pas i salbashon na mundu (Huan 13:34, 35).

Resa pa e pas di Herusalem ainda ta un privilegio i responsabilidat di e kreyentenan, pasobra e ta tene e speransa den e binida di tempu di fin di e reino di pas di Dios bibu, loke lo abarká no solamente e siudat di Herusalem, sino henter mundu (Isa. 527; Isa. 66:12, 13; Revelashon 21-22).

Kua ta maneranan práktiko ku nos por lucha pa harmonia entre nos komo un pueblo aworakí?

119