les di Sabbatskol

Les di sabbatskol kuartaal 1, aña 2024, Titula: E BUKI DI SALMO

Les 12: Adorashon Ku No ta Kaba Nunka

ORA D1OS NO TIN DELISIA DEN SAKRIFISIO

Lesa pa e siman aki:

Salmo134; Isa. 42:10-12; Rev. 14:3; Salmo 15; Salmo 101-3; Salmo 96; Rev. 14:6-12; Huan 4:23, 24.

TEKSTO PRINSIPAL:

"Mi ke kanta pa SEÑOR henter mi bida, kanta alabá mi Dios tanten ku mi tin bida i rosea" (Salmo 104:33).

djaweps, 21-03-2024

Lesa Salmo 40:6-8, , Salmo 50:7-23 i Salmo 51:16-19. Kua asuntu importante e tekstonan akí ta atendé? Di kon Dios no tin delisia den e sakrifisionan ku El a preskribí den Su Palabra (Eks. 20:24)?

Meskos ku e profetanan, e salmistanan ta desaprobá vários mal uso di adorashon. Nan punto prinsipal den e versíkulonan akí no ta Señor su repugnansia pa e sakrifisio i fiestanan di Israel sino e motibunan pa tal repugnansia: e distansia fatal entre adorashon i spiritualidat.

Dios no ta reprendé Su pueblo pa nan sakrifisio i ofrendanan kimá, sino pa nan maldat i aktonan di inhustisia ku nan a hasi den nan bida personal (Salmo 50:8,17-21). E Salmonan no ta predikando kontra sakrifisio i adorashon, sino kontra sakrifisio bano i adorashon bashí, demostrá den e inhustisia di e adoradónan akí.

Ora e unidat entre e ekspreshon eksterno di adorashon i e motivashon interno korekto pa adorashon kai den otro, generalmente ritualnan ta bira mas importante den i di nan mes ku e eksperensia aktual di hala serka Dios. Ke men, e formanan di adorashon ta bira un fin den nan mes, kontrali na e Dios na kende e ritualnan ei ta suponé di mustra i revelá.

Lesa Huan 4:23, 24. Ki asuntu Hesus ta tratando aki, ku ta pas eksaktamente ku loke e Salmonan pa awe ta spiertando di dje?

Sakrifisio so no ta sufisiente. Ki bon e sakrifisionan akí tabata si kurason di esnan ku tabata ofresiendo nan no tabata yená ku arepentimentu, fe i tristesa pa piká? Solamente ora e ta kompañá pa arepentimentu i gradisimentu sinsero, e sakrifisionan di toro por a agradá Dios komo"sakrifisionan legítimo" (Salmo 51:19, , wak tambe Salmo 50:14). Hesus, sitando Isaias, a ekspres'é asin'aki: "E pueblo akí ... ta alabá mi ku nan boka so, ma den nan kurason nan ta leu fo'i Mi" (Mat. 15:8). E problemanan ku e salmistanan tabata mira tabata e mesun problemanan ku Hesus tabata topa ku algun di e hendenan, spesialmente e lidernan, durante Su ministerio terenal.

Kon nos por sigurá nos mes ku nos, komo atventista, ku tur e lus i konosementu akí, no ta kai den e trampa di pensa ku konosé bèrdat so i pasa riba e ritualnan di e bèrdat ta sufisiente?

133