les di Sabbatskol

Les di sabbatskol kuartaal 1, aña 2024, Titula: E BUKI DI SALMO

Les 12: Adorashon Ku No ta Kaba Nunka

Adorashon Ku No ta Kaba Nunka

Lesa pa e siman aki:

Salmo134; Isa. 42:10-12; Rev. 14:3; Salmo 15; Salmo 101-3; Salmo 96; Rev. 14:6-12; Huan 4:23, 24.

TEKSTO PRINSIPAL:

"Mi ke kanta pa SEÑOR henter mi bida, kanta alabá mi Dios tanten ku mi tin bida i rosea" (Salmo 104:33).

sabbat, 16-03-2024

Segun ku nos eksperensia di e grasia i poder di Dios ta oumentá, nos tin e impulso pa puntra huntu ku e salmista: "Kon lo mi por paga SEÑOR tur bondat k'El a hasi mi!" (Salmo 116:12). E kontesta inevitabel ta pa dediká bo bida pa ta fiel na Dios.

Den e Salmonan, Israel no ta simplemente un nashon, sino"e gran asamblea" (Salmo 22:22, 25, , Beibel Santu; Salmo. 35:18). Esaki ta revelá Israel su vokashon prinsipal pa alabá Dios i pa duna testimonio tokante djE na otro nashon, pasobra Señor ke pa henter mundu uni ku Su pueblo den adorashon. E pueblo di Dios ta identifiká ku e hustu, ku ta adorá Señor i ku su speransa ta den djE i Su amor.

Ta persibí adorá Señor den kongregashon komo adorashon ideal. Esaki no ta nifiká ku orashon i alabansa di e indivíduo den Israel ta asumí un nifikashon sekundario. Al kontrario, adorashon individual di Dios ta alimentá e adorashon komunitario ku alabansa renobá (Salmo 22:22, 25), miéntras na su turno adorashon individual ta desaroyá su potensial total den estrecho relashon ku e komunidat. Ta yama e komunidat ku ta adorá tambe e"reunion di fielnan" (Salmo ). E fielnan konosé Dios (Salmo 36:10) i ta konosí pa Dios (Salmo 37:18), i e eksperensia akí ta penetrá den tur aspekto di nan eksistensia.

128