Les di Sabbatskol

djamars, 26-03-2024

Lesa Salmo 126. Kiko ta duna e pueblo di Dios fortalesa i speransa? Kiko ta bisá aki, den e konteksto akí, ku nos por apliká na nos propio bida awe?

E liberashonnan milagroso di Señor den pasado ta un fuente inagotabel di inspirashon pa e pueblo di Dios i nan fuente di speransa pa futuro. E liberashon di pasado tabata asina grandi ku por a deskribié komo un eksperensia di un soño ku a bira realidat (Isa. 29:7, 8). Nota ku e generashon ku ta alabá Señor den Salmo 126 pa liberá Su pueblo den pasado for di koutiverio (Salmo 126:1) ta aktualmente den koutiverio (Salmo 126:4).

Sin embargo, e goso i alivio anterior ta rebibá a traves di kantika i relevante den eksperensia presente. E generashonnan nobo ta mantené historia bíbliko bibu kontando nan mes komo presente entre esnan ku a mira e eventonan personalmente. Pues, un fe bibu ta apresiá e gran obranan di Dios pa Su pueblo den pasado komo algu ku Señor a hasi pa nos, i no simplemente kosnan ku Señor a hasi solamente pa nan (e generashonnan anterior di kreyentenan).

De echo, e rekuerdo di pasado ta stimulá speransa renobá pa presente. E imágen di "e koridanan di awa na Negév" (Salmo 126:4, Beibel Santu) ta un metáfora poderoso di Dios ku ta aktua repentinamente i poderosamente na fabor di Su pueblo. E parti ekstremo suit di Huda tabata un region di desierto seku. E riunan tabata forma di repente i yena ku awa ku ta kore despues di yobidanan pisá durante e temporada di áwaseru. E áwaseru trempan i lat tabata hunga un ròl krusial den e éksito di e aña agríkola (Deut. 11:14, , Deut. 28:12). Di forma similar, e imágen di sembra ku awa na wowo i kosechá ku goso (Salmo 126:5, 6) ta un promesa poderoso di guia divino for di un presente difísil na un futuro felis. Final di e temporada di kosecha tabata e momento ora e peregrinashon hebreo antiguo tabata trese e frutanan di e temporada na e tèmpel di Dios na Herusalém (Eks. 34:22, 26). E motibu di e kosecha tabata proveé un lès spiritual potente na e hendenan di e tempu ei. Meskos ku e trabou duru di sembra i kuida e kampo, hòfi- i kunukunan di wendruif ta rekompensá ku e goso di un kosecha abundante, asina e pruebanan presente di e pueblo di Dios lo ta koroná ku e goso di salbashon na fin di tempu. E imágen di e gran kosecha ta mustra na Dios su restourashon di Su reino riba tera na e regreso di Kristu (Amos 9:13-15, , Mat. 9:37). Aki tambe, sin embargo, e tema di spera ta lanta. Meskos ku e kosecha, nos mester spera pa mira e fruta i resultadonan di nos trabou.

Reflekshoná riba algun biaha ku klaramente i indiskutiblemente bo a mira Señor obra den bo bida òf den bida di otronan. Kon bo por saka speransa for di e eksperensianan ei pa kualke kos ku lo bo por ta pasando den dje awor?

142