les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 2: Siña nos Resa
UN SALMO DI DESESPERASHON
Lesa pa e siman aki:
Salmo 105:5; Kol. 3:16; Hakobo 5:13; Salmo 44; Salmo 22; Salmo 13; Salmo 60:1-5.
TEKSTO PRINSIPAL:
"Un biaha Hesus tabata resa na un sierto lugá. Ora Ela kava di resa, un di su disipelnan a bis'É:'Señor, siña nos resa, manera Huan a siña su disipelnan' "(lukas 11:1).
djamars, 09-01-2024
Resa e Salmonan ta hasi mas ku kapasitá adoradónan pa verbalisá nan orashonnan libremente. E Salmonan ta supervisá nan eksperensia di akuerdo ku Dios su normanan i ta hasié soportabel pa medio di introdukshon di speransa i siguridat di Dios su presensia.
Lesa Salmo 22. Kiko nos por siña for di e salmo akí tokante konfiansa den Dios meimei di gran sufrimentu?
E palabranan di lamento di Salmo 22:1 por yuda hende ku ta sufri ekspresá nan doló i sentido di soledat: "Mi Dios, mi Dios, di kon B'a bandoná mi, asina leu fo'i mi en bes di bin salba mi, leu di mi palabra i kehonan?"
E palabranan akí, naturalmente, a bira famoso meimei di kristiannan pasobra nan tabata e mesun palabranan ku Hesus Mes, miéntras E tabata riba e krus, a ekspresá, mustrando nos kon sentral e Salmonan tabata den Kristu su eksperensia (wak Mat. 27:46).
Sin embargo, asta meimei di sufrimentu i prueba, ta ekspresá e palabranan akí tambe: "Lo mi konta mi rumannan di bo nòmber i alabá Bo den presensia di nan tur" (Salmo 22:22).
Ku otro palabra, aunke e sintimentunan eksakto akí kisas no ta koinsidí ku e dilema aktual di e outor, e salmista ainda tabata ekspresando su fe den Dios i deklarando ku, no importá kiko pasa, e lo a sigui alabá Dios.
E punto ta, dunando nos palabra pa resa, e Salmonan ta siña nos pa wak mas ayá di nos situashon aktual i, pa medio di fe, mira e momento ora Dios, pa medio di Su grasia, lo restaurá nos bida.
Resa e Salmonan, pues, ta hiba adoradónan na horizontenan spiritual nobo. E Salmonan ta laga adoradónan ekspresá nan sintimentu i komprendementu, pero no ta laga nan keda kaminda nan ta awor. Ta hiba e adoradónan na bandoná nan karganan di doló, desapunto, rabia, i desesperashon dilanti di Dios i na konfi'E, loke sea nan sirkunstansianan ta.
E moveshon di lamento pa alabansa, opservá den hopi Salmo, ta sugestivo di e transformashon spiritual ku e kreyentenan ta eksperensiá ora nan risibí grasia i konsuelo divino den orashon.
Kon nos por siña mira mas ayá di nos pruebanan lnmediato i, por lo tantu, konfia den e bondat di Dios, meimei di loke sea ku nos ta enfrentá awor?
19