Les di sabbatskol kuartaal 1, aña 2024, Titula: E BUKI DI SALMO

Les 3: Señor ta Reina

PA STUDIA I MEDITÁ:

Lesa pa e siman aki:

Salmo 8; Salmo 100; Salmo 97; Salmo 75; Salmo 105:7-10; Gal. 3:26-29; Salmo 25:10.

TEKSTO PRINSIPAL:

"SEÑOR ta rei, bistí ku mahestat, SEÑOR, bisti i fahá ku poder! Mundu ta duru pará, inmovibel" (Salmo 93:1).

djabierne, 19-01-2024

Lesa Salmo 86:5, 15; Ellen G. White, "God's Love for Man," p. 9-15, den Steps to Christ. Kon e bèrdat ku Dios ta amor ta yuda nos tin un mihó komprendementu di e vários deskripshonnan di Dios i Su echonan den e Salmonan?

E estudio di e siman akí ta enfoká riba algun deskripshon klave di Dios i Su aktividatnan, ku ta establesé e mundu i ta hasié firme i sigur. E salmistanan ta apelá na Dios, kende ta e Kreador, Rei, Hues, Salbador di aliansa, i Dunadó di lei. E ròlnan den mundu ku Dios ta okupá ta reflehá nan mes den vários otro di e nòmber- i títulonan di Dios, inkluyendo Wardadó (Salmo 23:1, , Salmo 80:1), Baranka di Salbashon (Salmo 95:1), i Tata (Salmo 68:5, , Salmo 89:26). Den mundu nos por ta sigur i seif, asta meimei di e konfushon di e gran konflikto, pasobra Dios ta soberano i fiel den tur loke E hasi i bisa. Aunke e temanan teológiko akí di ningun manera ta agotador, nan ta sugestivo di e vários maneranan ku Dios ta revelá su Mes den e Salmonan.

Segun ku nos ta sigui studia e Salmonan, ta importante pa kòrda lesa e Salmonan relashoná ku Dios su karakter di amor i grasia i Su plan pa salba i restablesé mundu. "Mas nos studia e karakter divino den relashon ku e krus, mas nos ta mira mizerikòrdia, ternura, i bendishon mesklá ku rason i hustisia, i mas klaramente nos ta diserní evidensianan innumerabel di un amor ku ta infinito i un piedat tierno ku ta superá e simpatia anhelante di un mama pa su yu kabesura."-Ellen G. White, Steps to Christ, p. 15. Den e Salmonan, asta ora e pueblo ta enfrentá e huisio di Dios pa motibu di nan rebelion, nan ta sigui yama riba Dios pasobra nan sa ku e rabia di Dios ta solamente pa un tempu, pero Su mizerikòrdia ta eterno (Salmo 103:8).

PREGUNTA PA DISKUSHON:

1. Di kon komprendé e realidat i popularidat di e gran konflikto ta krusial den yuda nos komprendé ku, a pesar di e gobiernu i soberania final di Dios, ainda tin hopi konfushon i sufrimentu den nos mundu? Di kon e motibu di e gran konflikto ta asina útil pa nos?

2. Kon e kreensia den Dios komo Kreador mester forma nos komprendementu di nos mes i nos relashon ku restu di kreashon? Kiko ta pasa ora hende desviá for di e bèrdat ei (Salmo 106:35-42)?

3. Kiko tabatin robes ku e ídolonan di e nashonnan den tempunan bíbliko (Salmo 115:4-8)? Ke tal di ídolonan moderno? Di kon nan ta mesun peligroso pa nos kaminata ku Señor?

4. Kon e pueblo di Dios mester biba, sabiendo ku e huisio di Dios ta kuminsá ku Su pueblo? Kon Dios ta husga Su pueblo i ku ki meta?

33