les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 3: Señor ta Reina
SEÑOR TA REINA
Lesa pa e siman aki:
Salmo 8; Salmo 100; Salmo 97; Salmo 75; Salmo 105:7-10; Gal. 3:26-29; Salmo 25:10.
TEKSTO PRINSIPAL:
"SEÑOR ta rei, bistí ku mahestat, SEÑOR, bisti i fahá ku poder! Mundu ta duru pará, inmovibel" (Salmo 93:1).
djaluna, 15-01-2024
Estrechamente uní-de echo inseparablemente uní-na Señor komo Kreador tin Señor komo Soberano, komo Gobernante. Salmo 93:l, Salmo 96:10, , Salmo 97:1, , i Salmo 99:1 ta proklamá e deklarashon "Señor ta reina" di forma solem, pero ta tende su ekonan a lo largu di e Salmonan.
Señor ta bistí ku honor, mahestat, i fortalesa (Salmo 93:l, Salmo 104:1). E ta rondoná ku nubia i skuridat (Salmo 97:2), pero tambe E ta kubri su Mes "den un mantel di lus" (Salmo 104:2). E metáforanan akí ta eksaltá e poder i splendor di e Rei i ta skohé kuidadosamente pa ekspresá e grandesa úniko di Dios ku ta mas ayá di komprendementu humano.
Lesa Salmo 97. Kiko ta karakterisá e reinado di Señor? (Salmo 97:2, 10) Kua ta e teritorio di Su reinado? (Salmo 97:1, 5, 9)
E gobiernu di Señor ta demostrá den Su obranan di kreashon (Salmo 96:5), salbashon (Salmo 98:2), i huisio (Salmo 96:10). Señor ta establesé Su monarkia riba henter mundu (Salmo 47:6-9). E reino di Dios ta un reino eterno, sin igual den poder i mahestat (Salmo 45:6; Salmo 93:1, 2; Salmo103:19). E reinado di Señor ta establesé riba mizerikòrdia, hustisia, i rektitut, i e ta trese órden i stabilidat na e mundu kreá (Salmo 98:3, , Salmo 99:4). E reinado di Dios ta uni tantu adoradónan selestial komo terenal den e alabansa di Dios (Salmo 103:20-22, , Salmo 148). Hopi salmo ta visualisá ku henter humanidat ta rekonosé e gobiernu soberano di Dios (Salmo 96:10, Salmo 97:1, Salmo 99:1, Salmo 145:11-13).
Pero no ta tur hende, òf asta gobernantenan terenal, ta hasi esei, a lo ménos pa awor. E malbadonan, ku ta nenga i hasi bofon di Señor i ta oprimí Su pueblo, konstantemente ta desafiá e reinado di Dios (Salmo 14:1, , Salmo74:3-22). Aunke desafiá pa e prosperidat di algun hende malbado i aflihí pa e pasenshi di Dios, e salmista ta konfia den e gobiernu soberano di Dios i ta sigui floresé den e siguransa di e huisionan hustu di Dios (Salmo 68:21, , Salmo73:17-20). Pa fe e pueblo di Dios ta alegrá den e inougurashon di e reino di Dios a traves di e ministerio redentor di Kristu i ta spera riba e ehekushon di e reino na e regreso di Kristu (Mat. 12:26-28, , l Kor. 15:20-28).
"Odia maldat, si boso stima SEÑOR” (Salmo 97-10). Di kon nos amor pa Dios mester pone nos odia maldat? Kon e dos konseptonan aki ta relashoná ku otro?
29