les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 3: Señor ta Reina
DIOS TA HUES
Lesa pa e siman aki:
Salmo 8; Salmo 100; Salmo 97; Salmo 75; Salmo 105:7-10; Gal. 3:26-29; Salmo 25:10.
TEKSTO PRINSIPAL:
"SEÑOR ta rei, bistí ku mahestat, SEÑOR, bisti i fahá ku poder! Mundu ta duru pará, inmovibel" (Salmo 93:1).
djamars, 16-01-2024
Lesa Salmo 75. Di kon e bromamentu di e malbado ta en bano?
Komo Rei soberano, Señor ta tambe un Dunadó di lei (Salmo 99:7) i un Hues (Salmo 98:9, , Salmo 97:2). Konstantemente e malbadonan ta menasá e órden hustu ku Dios a establesé den mundu, pero Señor lo husga mundu i trese e gobiernu di maldat na su fin (Salmo 75:8-10, , Salmo 96:13).
Den Salmo 75, vários imágen ta deskribí e destrukshon irevokabel di e malbadonan. E imágen di un kopa ku biña kòrá (Salmo 75:8) ta transmití e intensidat di e furia di Dios (Yer. 25:15, , Rev.14:10). E kòrtamentu di e kachunan di e malbadonan ta deskribí e fin di nan poder i dominio, miéntras E lo halsa e kachunan di e hustunan (Salmo 75:10, , Beibel Santu). Dios ta skohe un "momento apropiá" (Salmo 75:2,) òf "tempu stipulá" pa Su huisio. E huisio ehekutivo akí klaramente lo tuma lugá na fin di tempu (Salmo 96:13, 1 Kor. 15:23-26).
Señor ta sondia kurason di hende komo parti di Su huisio. Lesa Salmo 14:2. E ta pone nos kòrda riba Genesis 6:5, 8. Tur dos teksto ta mustra ku e ehekushon di Dios su huisio di mundu ta presedí pa Dios su saminashon di bida di e hendenan i ta buska ken E por salba. Tin ora ta yama e huisio akí "e huisio investigadó", ora Dios ta defendé e hustunan i ta disidí destino di e malbadonan.
Kon e ta funshoná?
Na promé lugá, Dios ta libra Su pueblo for di e malbadonan (Salmo 97:10, , Salmo 146:9) i ta koroná esnan humilde ku salbashon (Salmo 149:4). Na di dos lugá, Dios ta destruí pa sempere malbadonan ku no arepentí (Salmo 97:3). Algun salmo ta deskribí di forma poétiko e inutilidat di armanan humano kontra e Hues divino (Salmo 76:3-6). Señor ta tambe un Dios ku ta pordoná, aunke E ta kastigá hende su barbaridatnan (Salmo 99:8). E pueblo di Dios, no solamente e malbadonan, lo duna kuenta na Dios (Salmo 50:4, , Salmo 135:14).
E Salmonan ta transmití e mesun noshon ku otro tekstonan bíbliko ta ekspresá, ku e huisio di Dios ta kuminsá ku e pueblo di Dios i ta ekstendé te na henter mundu (Deut.32:36, 1 Pe. 4:17). E salmista ta sklama na Dios pa husg'é, pero ta dependé riba e hustisia di Dios pa defend'é (Salmo 7:8-11; Salmo 139:23, 24).
E Salmonan ta yama nos pa regosihá den antisipashon di e huisionan di Dios (Salmo 67:4, , Salmo 96:10-13, , Salmo 98:4-9). Kon e huisio di Dios ta bon notisia pa esnan kubrí pa e sanger di Kristu?
30