Les di Sabbatskol

djarason, 17-01-2024

E tema di e huisio di Dios ta lanta un pregunta signifikante: Kon e pueblo di Dios por tin pas ku Dios i siguransa di salbashon na momento di huisio? Lesa Salmo 94:14, , Salmo 105:7-10, , Dan. 7:22.

E pueblo di Dios ta sigur pasobra Señor a pone Su lugá di biba na Sion (Salmo 76:1, 2) i a establesé Su aliansa eterno ku nan komo Su poseshon tesorá (Salmo 94:14, Salmo105:8-10). Dios no ta simplemente primintí di no rechasá Su pueblo di pakto; E ta traha aktivamente pa tene nan sigur den djE. E ta pordoná nan pikánan (Salmo103:3); E ta instruí, ta bendishoná, i ta fortalesé Su pueblo (Salmo 25:8-11, , Salmo 29:11, , Salmo 105:24). Dios ta duna Su huisionan pa bira e pueblo na hustisia i pa demostrá ku Dios ta preokupá pa nan (Salmo 94:8-15).

Salmo 105 komo un totalidat ta mustra Señor su fieldat na Su aliansa den historia di Israel. Den tur kos ku tabata sosodé, e bon i e malu, Dios tabata ei. Den Su providensia, El a guia Hose na Egipto i a traves di dje El a salba Su pueblo i e nashonnan den e área ei durante e hamber severo (Salmo 105:16-24). Señor a lanta Moises pa guia Su pueblo for di sklabitut egipsio, loke el a hasi ku señal i maravianan na nan fabor (Salmo 105:25-38).

Señor a duna Su pueblo e Tera Primintí (Salmo 105:11, 44) i Su protekshon kontinuo (Salmo105:12-15). El a multipliká nan (Salmo 105:24), a libra nan for di nan señornan (Salmo 105:37, 38), i a proveé pa nan nesesidatnan diario (Salmo 105:39-41). Señor ta indudablemente na kontrol soberano di tur loke ta envolví Su pueblo-un bèrdat ku e salmistanan tabata ke pa su pueblo no lubidá nunka. Ora Dios rekordá Su aliansa, e ta envolví mas ku konosementu òf memoria, pasobra semper e ta hiba na akshon (Gen. 8:1, 1 Sam. 1:19, , Salmo 98:3, , Salmo 105:42-44). Di mes manera, ora ta yama e pueblo pa rekordá Dios su maravia- i huisionan, e ta nifiká ku e pueblo mester biba den formanan ku ta honra Dios. Den e aliansa akí, e yamada prinsipal di Israel ta pa permanesé fiel na e aliansa wardando e leinan di Dios (Salmo 78:5-7, , Salmo 105:45). E pueblo di Dios ta yamá tambe pa duna testimonio tokante Dios na otro nashonnan, pasobra Señor ta deseá pa tur nashon uni ku Su pueblo Israel (Salmo 105:1, 2). Asina mundu ta sigur den e pakto protektor di e Dios todopoderoso i mizerikordioso (Salmo 89:28-34).

Kiko nos tin den Hesus, ku ta mustra di kon e promesanan akí, hasí na lsrael antiguo, awor por apliká na nos? (Wak Gal. 3:26-29.)

31