Les di Sabbatskol

sabbat, 13-01-2024

Salmonan ta mantené firmemente e kreensia fundamental den e reino soberano di Dios. Señor a krea i ta sostené tur kos ku El a krea. E ta e Rei soberano riba henter mundu, i E ta goberná mundu ku hustisia i rektitut.

Su lei i statutonan ta bon i ta trese bida na esnan ku warda nan. Señor ta un Hues hustu ku ta sigurá ku mundu ta permanesé bon ordená, i E ta hasi esei rekompensando esnan hustu i kastigando e malbadonan, pero den Su tempu, no esun di nos.

Dios su pakto ku Israel ta hunga un ròl spesial den sigurá mundu, pasobra e ta anunsiá e salbashon di Señor. Señor a adoptá Israel komo Su poseshon di mas presioso, hasiendo Israel, di tur e nashonnan, Su pueblo. Señor ta fiel na Su pakto i ta sigui kuida Su tou a pesar di nan infidelidat i, tin biaha, rebelion abierto.

E gobiernu soberano di Señor pues ta hasi e mundu firmemente establesí i sigur. E salmistanan ke pa e lesadó komprendé su bèrdat fundamental. Ku e kosmovishon akí komo nan faro, e salmistanan ta buska pa prosperá i sirbi Dios ku deboshon firme.

27