Les di Sabbatskol

djabierne, 26-01-2024

Lesa Ellen G. White, "The Night of Wrestling," p.195-203, den Patriarchs and Prophets. Kiko nos por siña di e eksperensia di Yakob tokante e poder di orashon persistente i konfiansa inkondishonal den Dios?

Salmonan ta fortalesé nos fe den Dios kende ta e Refugio ku nunka ta faya pa esnan ku ta konfia nan bida den Su mannan poderoso. "Dios lo hasi gran kos pa esnan ku ta konfia den djE. E motibu pakiko Su pueblo profesá no tin mas forsa, ta pasobra nan ta konfia asina tantu riba nan mes sabiduria, i no ta duna Señor un oportunidat pa revelá Su poder na nan fabor. E lo yuda Su yunan kreyente den tur emergensia si nan pone nan konfiansa kompleto den djE i obedes'E fielmente."-Ellen G. White, Patriarchs and Prophets, p. 493.

Sin embargo, algun Salmo por plantia un desafio serio ora loke nan primintí, i nos situashon aktual, no ta kuadra. Na momentonan manera esaki, nos tin ku djis siña konfia den e bondat di Dios, mas fuertemente revelá na e krus.

Tambe, tin biaha por usa algun salmo pa fomentá speransa falsu. Hesus su reakshon riba Satanas su uso korupto di Salmo 91:11, 12 ta mustra ku no mester konfundí konfia Dios ku tenta Dios (Mat. 4:5-7) òf di manera imprudente pidi Dios hasi algu ku ta kontrali na Su boluntat.

"E viktorianan di mas grandi pa e iglesia di Kristu òf pa e kristian individual no ta esnan ku nan a gana pa medio di talento òf edukashon, pa medio di rikesa òf fabor di hende. Nan ta e viktorianan ku nan a gana den e kamber di oudiensia ku Dios, ora fe ferviente i agonisante tene duru na e brasa poderoso di poder."-Ellen G. White, Patriarchs and Prophets, p. 203,

PREGUNTA PA DISKUSHON:

1. Den klas, diskutí e kontesta riba e último pregunta den e estudio di djamars tokante konfia Dios meimei di atversidat i ora kosnan ta bai teriblemente robes. Kon un hende ta komprendé e kosnan akí i kon nan por sosodé ku hende, asta ku tur e promesanan maravioso den e Salmonan tokante e protekshon di Dios? Pensa riba esaki tambe: e salmista ku a skirbi tokante e promesanan maravioso di Dios, no a sufri atversidat òf sa di hendenan fiel ku tambe a sufri atversidat?

2. Kon nos por desaroyá un konfiansa inkondishonal den Dios bou di tur sirkunstansia (por ehèmpel, Salmo 91:14; Salmo 143:8, 10; Salmo 145:18- 20)? Di kon konfiansa den Dios den tempu bon ta krusial pa siña konfi'E den tempu malu tambe?

44