les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 4: Señor ta Skucha i ta Libra
SIGURANSA DI E KUIDO DI DIOS
Lesa pa e siman aki:
Salmo 139:1-18; Salmo 121; Salmo 17:8; Mat. 23:37; 1 Kor. 10:1-4; Hebr. 4:15, 16.
TEKSTO PRINSIPAL:
"Hustunan ta grita i SEÑOR ta kontestá nan i ta libra nan di tur nan problemanan" (Salmo 34:17).
djaluna, 22-01-2024
Lesa Salmo 40:1-3, , Salmo 50:15, , Salmo 55:22, , i Salmo 121. Kon Dios ta envolví den nos asuntunan diario?
Señor ta revelá Su mes den Skritura komo e Dios bibu ku ta aktua na fabor di esnan ku sklama na djE.
E salmista, "semper [mi] ta tene SEÑOR [mi] dilanti" (Salmo 16:8). P'esei, e ta konfia Dios i ta sklama na djE (Salmo 7:1, , Salmo 9:10). Señor lo skuch'é asta ora e ta sklama for di e "profundidatnan" (Salmo 130:1, 2), bisando ku ningun sirkunstansia di bida ta skapa e dominio soberano di Dios. Asina, e gritu di e salmista, no importá kon urgente e ta, nunka ta falta speransa.
Salmo 121, mientrastantu, ta selebrá e poder di e Kreador den bida di e indivíduo fiel. E poder akí ta inkluí:
(1) "E ta warda bo pia pa bo n' slep" (Salmo 121:3). E imágen di pia" hopi biaha ta deskriptivo di un hende su biahe di bida (Salmo 66:9, , Salmo 119:105, , Prov. 3:23). E palabra hebreo pa "move" ta deskribí e seguridat ku Dios ta duna mundu (Salmo 93:1) i Sion (Salmo 125:1).
(2) E imágen di Señor komo Wardadó di Israel ku no ta kabishá ni drumi ta enfatisá Señor su vigilansia i disposishon konstante pa aktua na fabor di Su yunan (Salmo 121:3, 4).
(3) Señor ta "bo sombra" (Ps. 121:5, 6) ta yama na mente e pilá di nubia den tempu di Eksodo (Eks. 13:21, 22). Di forma similar, Señor ta proveé refugio físiko i spiritual pa Su pueblo.
(4) Dios ta na nan man drechi (Salmo 121:5). Man drechi típikamente ta indiká un hende su man mas fuerte, e man di akshon (Salmo 74:11, , Salmo 89:13). Aki e ta transmití e serkania i fabor di Dios (Salmo 16:8, Salmo 109:31, , Salmo 110:5).
(5) Salmo 121:6-8 ta konfirmá e protekshon di Dios di Su pueblo klaramente. Dios lo preservá Su yunan for di tur maldat. Ni "solo" ni "luna" lo dal nan. Dios lo preservá nan "salida" i "entrada". E figuranan poétiko akí ta suprayá e kuido kompleto i insesante di Dios.
E resultado final? E salmista tabata konfia den e kuido amoroso di Dios. Nos, naturalmente, mester hasi mesun kos.
Kua ta algun manera práktiko ku bo por eksperensiá e realidat di Dios su kuido mihó? Kon bo por kooperá mihó ku Dios pa asina permitiE obra denter di bo i pa bo?
40