Les di Sabbatskol

djaweps, 25-01-2024

Lesa Salmo 3:4; Salmo 14:7; Salmo 20:1-3; Salmo 27:5; Salmo 36:8; Salmo 61:4; i Salmo 68:5, 35. Di unda yudansa ta bini den e tekstonan akí?

E motibu di refugio i yudansa spiritual i físiko ta aparesé notablemente den konteksto di e santuario. E santuario ta un lugá di yudansa, di seguridat, i di salbashon. E santuario ta proveé un refugio pa esnan den problema. Dios ta defendé e wérfanonan i biudonan i ta duna fortalesa na Su pueblo a traves di Su santuario. Ora "Dios ta resplandesé for di Sion, e siudat di perfekto bunitesa" (Salmo 50:2), e huisionan hustu di Dios ta proklamá, i e bendishonnan di Señor ta sali padilanti (Salmo 84:4, , Salmo 128:5, , Salmo 134:3).

E refugio den e santuario ta surpasá e seguridat proveé pa kualke otro lugá den mundu, pasobra den e santuario Dios ta biba en persona. E presensia di Dios, no simplemente e tèmpel komo un edifisio firme, ta proveé seguridat. Di mes manera, siendo e seru kaminda Señor ta biba, Seru Sion ta surpasá otro serunan aunke riba su mes e tabata un seru simpel (Salmo 68:15, 16; Isa. 2:2).

"Nos tin un gransaserdote ku ta kapas di kompadesé di nos debilidatnan; E mes tabata poné na prueba den tur sentido, presisamente meskos ku nos. Pero E no a peka. Ban aserká Dios su trono, antó ku konfiansa, kaminda por haña grasia, pa E tene mizerikòrdia ku nos i den su bondat yuda nos na ora di nesesidat" (Hebr. 4:15, 16). Den ki forma e tekstonan akí ta paralelo na loke e salmista ta bisa tokante e santuario?

E santidat di e santuario di Dios ta insitá e salmista pa rekonosé ku tur hende ta pekaminoso i kompletamente inmeresí di e fabor di Dios, i e ta afirmá ku liberashon ta basá riba e fieldat i grasia di Dios so (Salmo 143:2, 9-12). Nada den nos ta duna nos kualke mérito dilanti di Dios. Ta solamente ora hende para den un relashon korekto ku Dios a traves di arepentimentu i aseptashon di e grasia i pordon di Dios, nan por roga pa e siguransa di liberashon di Dios. Eservisio di santuario tabata representá e salbashon hañá den Hesus.

43