les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 5: Kantando e Kantika di Señor den un Tera Straño
SU PROMESA A FAYA PA SEMPER?
Lesa pa e siman aki:
Salmo 79:5-13; Salmo 88:3-12; Salmo 69:1-3; Salmo 22:1; Salmo 77; Salmo 73:1-20; 1Pe. 1:17.
TEKSTO PRINSIPAL:
"Ma kon nunka nos por a kanta un di SEÑOR su kantikanan den un tera kompletamente straño!" (Salmo 137:4).
djarason, 31-01-2024
Lesa Salmo 77. A traves di kua eksperensia e outor ta pasando?
Salmo 77 ta kuminsá ku un súplika na Dios pa yudansa ku ta yená ku lamento i rekuerdo doloroso di pasado (Salmo 77:1-6). Henter e ser di e salmista ta bira tristu ora ta trata Dios. E ta nenga pa kualke alivio konsol'é eksepto esun ku ta bini di Dios.
Sin embargo, ora e pensa riba Dios, esaki ta parse di intensifiká su angustia. "Si mi kòrda riba Dios (...) mi ta keha" (Salmo 77:3). Hamah hebreo, "keha", hopi biaha ta deskribí e ronkamentu di awanan furioso (Salmo 46:3). Di forma similar, henter e ser di e salmista ta den un estado di intrankilidat.
Kon e echo di rekordá Dios por produsí sintimentunan di angustia asina fuerte? Un seri di pregunta preokupante ta traishoná e kousa di su angustia (Salmo 77:7-9): Dios a kambia? Dios posiblemente por traishoná Su pakto?
E kontraste rígido entre Dios su aktonan di salbashon den pasado i e aparente ousensia di Dios den presente ta pone e salmista sinti su mes bandoná pa Dios. Si Dios a kambia, e ora ei e salmista no tin speransa, un konklushon ku e ta lucha pa rechasá.
Mientrastantu e salmista no por drumi pasobra Señor ta ten'é lantá (Salmo 77:4). Esaki ta kòrda riba otro personahe bíbliko ku Dios a usa nan insomnio komo providensia pa avansá Su propósitonan (Gen. 41:1-8, , Ester 6:1, , Dan. 2:1-3). E anochi largu sin por a drumi a pone e salmista konsiderá Señor su aktonan di liberashon di pasado pero ku resolushon nobo (Salmo 77:5, 10).
E siguransa ku e salmista ta risibí di Dios no ta konsistí di splikashonnan tokante su situashon personal, sino mas bien un konfirmashon di Dios su fieldat i integridat (meskos ku Job). E salmista ta enkurashá pa spera riba Señor den fe, sabiendo ku E ta e mesun Dios ku a hasi milagernan den pasado di Israel (Salmo 77:11-18). E salmista ta realisá tambe ku "no por a mira bo pasonan" (Salmo 77:19), rekonosiendo Dios su guia, asta den situashonnan ku Su presensia no ta opvio pa bista humano. E salmista ta rekonosé ku Dios ta revelá i skondí simultáneamente, i asina e ta ofresé alabansa na e kamindanan misterioso i soberano di Señor.
Pensa riba momentonan den pasado ora Señor a obra den bo bida. Kon e bèrdat ei por yuda bo dil ku loke sea bo ta enfrentando aworakí?
53