Les di Sabbatskol

djaweps, 01-02-2024

Lesa Salmo 37:1, 8; Salmo 49:5-7; Salmo 94:3-7; i Salmo 125:3. Ki lucha e salmista ta enfrentá?

E Salmonan akí ta lamentá e prosperidat aktual di e malbadonan i e desafio ku e echo akí ta forma pa e hustunan. E malbadonan no solamente ta prosperá, sino tin biaha tambe abiertamente ta despresiá Dios i ta oprimí otronan. E asuntu konfuso ta ku miéntras "e septer di maldat" (Salmo. 125:3, , Beibel Santu) ta dominá mundu, e "septer di hustisia" (Salmo 45:6) parse ta fayando. Pakiko, anto, no renunsiá i brasa maldat manera otronan ta hasi?

Lesa Salmo 73:1-20, 27. Kiko ta guia e salmista a traves di e krísis? Kua ta e fin di esnan ku ta konfia den kosnan bano? (Wak tambe 1 Pe. 1:17).

Miéntras e salmista den Salmo 73 ta permanesé enfoká riba e inikidat aktual den mundu, e tabata inkapas di mira e kuadro grandi for di punto di bista di Dios. E problema ku e prosperidat di maldat tabata forma pa su fe tabata aplas­ tante; e tabata kere tambe ku su argumento tokante e inutilidat di fe tabata basá riba realidat.

Sin embargo, Salmo 73 ta mustra ku "e kosnan akí ta hasi bofon di esnan ku ta ignorá e promé versíkulo di e salmo akí, ku ta e resúmen di henter e salmo: 'Kon bon e Dios di Israel ta pa esnan ku ta rekto di kurason!' "-Johannes Bug­ enhagen, Reformation Commentary on Scripture (Downers Grave, IL: InterVarsity Press, 2018), p. n.

Ta hiba e salmista na e santuario, e lugá di e gobiernu soberano di Dios, i a kórd'é ku "awe" ta solamente un piesa di e mosaiko, i e mester a konsiderá e "fin", ora e malbadonan lo enfrentá e huisio di Dios. E echo ku e salmista a komprendé e bèrdat akí den e santuario i a konfesá su bobedat anterior ta mustra ku por kapta realidat solamente pa medio di persepshon spiritual i no a traves di lógika humano.

Kon e promesa di e huisio di Dios riba mundu, i riba tur su maldat, ta duna bo konsuelo ora ku aworakí asina tantu maldat ta keda sin kastigu?

54