les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 6: Lo Mi Lanta
HUSTISIA PA ESNAN OPRIMÍ
Lesa pa e siman aki:
Salmo 18:3-18; Salmo 41:1-3; Deut. 15:7-11; Salmo 82; Salmo 96:6-10; Salmo 99:1-4; Rom. 8:34.
TEKSTO PRINSIPAL:
"'Ta pa motibu di opreshon di humildenan i gritu di ousilio di pobernan Mi ta lanta awor,' SEÑOR ta bisa, 'lo Mi salba esun ku tin deseo' " (Salmo 12:5).
djaluna, 05-02-2024
Lesa Salmo 9:18, , Salmo 12:5, , Salmo 40:17, , Salmo 113:7, , Salmo 146:6-10, , i Salmo 41:1-3. Kua ta e mensahe aki na nos, asta awe?
Dios ta ekshibí kuido spesial i preokupashon pa hustisia pa loke ta trata e vários gruponan di hende vulnerabel, inkluyendo esnan pober, den nesesidat, oprimí, wérfano, biudo, biuda, i strañeronan. E Salmonan, meskos ku e Lei i e profetanan, ta kla riba e punto ei (Eks. 22:21-27, , Isa. p3-15).
Hopi Salmo ta usa e ekspreshon "pober i den nesesidat" i ta evitá di representá esnan oprimí den términonan eksklusivamente nashonal i religioso. Nan ta hasi esaki pa asina destaká Dios su kuido universal pa henter humanidat.
E ekspreshon "pober i den nesesidat" no ta limitá na pobresa material sino ta nifiká tambe vulnerabilidat i impotensia. E ekspreshon ta apelá na Dios su kompashon, i e ta transmití e idea ku esun ku ta sufri ta su so i no tin niun otro yudansa sino Dios. E deskripshon "pober i den nesesidat" ta pertenesé tambe na un hende su sinseridat, verasidat, i amor pa Dios ora e ta konfesá su dependensia total riba Dios i ta renunsiá kualke pista di dependensia propio i afirmashon propio.
Mientrastantu, kuida esnan den nesesidat (Salmo 41:1-3) ta demostrá fieldat di e pueblo na Dios. Maldat hasí kontra esnan vulnerabel tabata partikularmente pikánan horibel den kultura bíbliko (Deut. 15:7-11). E Salmonan ta inspirá hendenan fiel pa lanta nos bos kontra tur opreshon.
Tambe e Salmonan ta suprayá e banidat di basa un hende su konfiansa riba medionan humano pasahero komo e fuente di sabiduria i seguridat final. E pueblo di Dios mester resisti e tentashon pa pone fe fundamental pa salbashon den lider i institushon humano, spesialmente ora nan ta diferensiá di e kamindanan di Dios.
Den Su grasia, nos Señor a identifiká Su mes ku e pobernan birando pober E mes, pa a traves di Su pobresa hopi por a bira riku (2 Kor. 8:9). E rikesanan di Kristu ta inkluí liberashon di tur opreshon tresé pa piká, i E ta primintí nos bida eterno den e reino di Dios (Rev. 21:4). Hesu-Kristu ta kumpli ku e promesanan di e Salmonan komo e Hues divino, ku lo husga tur maltrato di esnan den nesesidat, i tambe negligensia di deber pa ku nan (Mat. 25:31-46).
Kuantu nos ta pensa riba esnan "pober i den nesesidat" meimei di nos, i kuantu nos ta hasi pa nan?
62