les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 6: Lo Mi Lanta
Lo Mi Lanta
Lesa pa e siman aki:
Salmo 18:3-18; Salmo 41:1-3; Deut. 15:7-11; Salmo 82; Salmo 96:6-10; Salmo 99:1-4; Rom. 8:34.
TEKSTO PRINSIPAL:
"'Ta pa motibu di opreshon di humildenan i gritu di ousilio di pobernan Mi ta lanta awor,' SEÑOR ta bisa, 'lo Mi salba esun ku tin deseo' " (Salmo 12:5).
sabbat, 03-02-2024
Nos époka no ta e úniko époka kaminda maldat, inhustisia i opreshon ta hasi estrago. E salmistanan tambe tabata biba den un tempu asina. I asina, loke sea ku nan ta, e Salmonan tambe ta Dios su protesta kontra e violensia i opreshon den mundu, den nos mundu, i esun di e salmistanan tambe.
Sí, Señor tin pasenshi i ta wanta Su rabia den Su gran toleransia, i no ke pa niun hende bai pèrdí ma arepentí i kambia nan kamindanan (2 Pe. 3:9-15). I aunke Dios su tempu apropiá pa Su intervenshon no semper ta koinsidí ku espektativanan humano, e dia di Dios su huisio ta yegando (Salmo 96:13, , Salmo 98:9). Nos mester djis konfia den djE, i den Su promesanan, te ora e dia ei yega. Solamente e Kreador, kende Su trono ta fundá riba rektitut i hustisia (Salmo 89:14, , Salmo 97:2), por proveé, ku Su huisio soberano, stabilidat i prosperidat na mundu. E aspekto dòbel di huisio divino ta inkluí liberashon di esnan oprimí i destrukshon di e malbadonan (Salmo 7:6-17).
Esaki ta loke a primintí nos, i esaki ta loke, de echo, lo bini un dia-pero na Dios su tempu, no di nos, un punto ku e salmista ta enfatisá.
60