Les di sabbatskol kuartaal 1, aña 2024, Titula: E BUKI DI SALMO

Les 7: Bo Mizerikòrdia ta Alkansá Te Na e Shelunan

PA STUDIA I MEDITÁ:

Lesa pa e siman aki:

Salmo 136; Salmo 51; Salmo 130; Salmo 113; Salmo 123.

TEKSTO PRINSIPAL:

"Mi ke alabá Bo, Señor, bou di pueblonan, kanta bo gloria bou di nashonnan, pasobra bo amor ta yega te na shelu, bo fieldat ta yega te na nubianan" (Salmo 57:9, l0)

djabierne, 16-02-2024

Lesa Ellen G. White, "The Sinner's Need of Christ," p.17-22, den Steps to Christ.

Den e Salmonan, e bosnan di e pueblo di Dios lo uni komo unu ora nan ta ripití e koro"Su miserikòrdia lo dura pa semper" den selebrashon di e amor eterno di Dios (Salmo 106:1; Salmo 107:1; Salmo 118:1-4, 29; Salmo 136). "No alabá Dios lo a nifiká lubidá tur Su benefisionan, no apresiá e donnan di Dios. Solamente esnan ku ta alabá no ta lubidá. Pensa i papia tokante Dios ainda no ta alab'E. Alabansa ta kuminsá ora un hende rekonosé Dios su mahestat i obranan i ta respondé ku adorashon di Su bondat, mizerikòrdia, i sabiduria."-Hans LaRondelle, Deliverance in the Psalms, p. 178.

E nifikashon di e konfeshon solem di Dios su mizerikòrdia eterno ta haña nifikashon mas profundo ainda ora nos kòrda ku Dios su khesed-ke men, Su mizerikòrdia i fieldat di pakto-ta para firme i inkambiabel meimei di piká i rebelion humano kontra Dios.

"Nos a peka kontra djE, i no ta meresé Su fabor; sin embargo, E Mes a pone riba nos lepnan e súplika di mas maravioso: 'No rechasá nos, pa gloria di bo Nòmber! No brongosá e siudat, sede di bo trono glorioso! Kòrda riba bo aliansa ku nos, no kibr'é!' Yer. 14:21. Ora nos bin serka djE konfesando nos indignidat i piká, El a hura Su mes pa pone atenshon na nos súplika. E honor di Su trono ta den wega pa kumplimentu di Su palabra na nos."-Ellen G. White, Christ's Object Lessons, p. 148.

Su eksperensia ku Dios tabata mizerikòrdioso kuné (Salmo 103:2) ta enkurashá e salmista pa bisa ku "SEÑOR ta perkurá pa tin hustisia, pa tur hende oprimí haña derecho" (Salmo. 103:6; énfasis añadí). Pues, e ophetivo final di e testimonio personal di e salmista, i alabansa di Dios su mizerikòrdia den su bida, ta pa sigurá otronan di e bondat amoroso di Dios, pa asina nan tambe por habri nan kurason na Dios i risibí Su grasia ku ta salba i alabá Dios (Salmo 9:11, 12; Salmo 22:22-27; Salmo 66:16).

PREGUNTA PA DISKUSHON:

1. Kua ta e implikashonnan práktiko di e echo ku Dios su mizerikòrdia ta eterno pa salbashon di hende? Di kon esaki no ta nifiká ku un hende por sigui peka pasobra e mizerikòrdia ta pa semper?

2. Kon nos ta rekonsiliá Dios su pordon di nos pikánan ku e idea di e huisio di Dios riba piká?

3. Kon e ekspreshonnan di e mizerikòrdia di Dios den Tèstamènt Nobo ta kuadra ku esnan den e Salmonan (Efe. 2:4, 5; 1 Tim. 1:16; Tito 3:5; Hebr. 4:16)?

77