les di Sabbatskol
otro idioma
Les di sabbatskol kuartaal 1, aña 2024, Titula: E BUKI DI SALMO
Les 7: Bo Mizerikòrdia ta Alkansá Te Na e Shelunan
Bo Mizerikòrdia ta Alkansá Te Na e Shelunan
Lesa pa e siman aki:
Salmo 136; Salmo 51; Salmo 130; Salmo 113; Salmo 123.
TEKSTO PRINSIPAL:
"Mi ke alabá Bo, Señor, bou di pueblonan, kanta bo gloria bou di nashonnan, pasobra bo amor ta yega te na shelu, bo fieldat ta yega te na nubianan" (Salmo 57:9, l0)
sabbat, 10-02-2024
E salmistanan ta realisá ku nan ta spiritualmente pober i no tin nada bon pa ofresé na Dios; ke men, nan no tin nada den i di nan mes ku lo a rekomendá nan dilanti di e trono santu di Dios (Salmo. 40:17). Nan ta komprendé ku nan, manera nos tur, tin mester di grasia, e grasia di Dios.
Den algun palabra, nan tin mester di e evangelio.
E Salmonan ta enfatisá e echo ku hende ta totalmente dependiente di e mizerikòrdia di Dios. Afortunadamente, e mizerikòrdia di Dios ta eterno, manera ta opvio den tantu e kreashon di Dios komo e historia di e pueblo di Dios (Salmo 136). Dilanti di e Dios eterno, bida humano ta mes transitorio ku yerba, pero Dios tin kompashon ku hende i ta renobá nan forsa (Salmo 103:3, 5, 15), i den djE nan tin e promesa di eternidat.
E pueblo di Dios ta konsolá su mes ku e echo ku Señor ta fiel na Su pakto. E yamamentunan di e pueblo, no importá kon insistente nan ta tin biaha, hopi biaha ta yená ku speransa pasobra nan ta dirigí na nan Tata selestial mizerikòrdioso (Salmo 103:13, , Salmo 68:5, , Salmo 89:26). Eksperensianan fresku di e grasia i amor di Dios ta fortalesé nan resolushon pa adorá i sirbi Dios, i niun hende òf nada mas.
71