Les di sabbatskol kuartaal 1, aña 2024, Titula: E BUKI DI SALMO

Les 8: Sabiduria pa un Bida Rekto

PA STUDIA I MEDITÁ:

Lesa pa e siman aki:

Salmo119:1-16; Salmo 90; Huan 3:16; Salmo 95:7-11; Salmo 141; Salmo 128.

TEKSTO PRINSIPAL:

"Siña nos konta nos dianan, pa nos haña un kurason sensato" (Salmo 90:12).

djabierne, 23-02-2024

Den e tempunan moderno akí, haña sabiduria no ta parse di ta asina deseabel manera atkirí felisidat. Hende lo ke ta mas bien felis ku sabí. Sin embargo, nos por ta berdaderamente felis i biba un bida pleno sin sabiduria divino? E Salmonan ta bisa klaramente ku nos no por. E bon notisia ta ku no ta pidi nos skohe entre sabiduria i felisidat. Sabiduria divino ta trese felisidat outéntiko.

Un ehèmpel simpel di e lenguahe hebreo por ilustrá e punto akí. Na hebreo, e palabra "paso" na plural ('ashurey) ta zona paresido na e palabra "felisidat" ('ashrey). Aunke nos ta falta e asosiashon akí den tradukshonnan ingles, e ta transmití un mensahe poderoso: "pasonan" ku ta tene riba e kaminda di Dios ta hiba na un bida "felis" (Salmo 1:1, , Salmo 17:5, , Salmo 37:31, , Salmo 44:18, , Salmo 89:15, , Salmo 119:1). Den Beibel, ni sabiduria ni felisidat ta un konsepto apstrakto, sino un eksperensia real.

Ta haña nan den relashon ku Dios, ku ta konsistí di honra, alabá, haña fortalesa den, i konfia Dios. Salmo 25:14 ta bisa ku "SEÑOR ta íntimo ku es ku respet'É, E ta siñ'é konosé su aliansa."

"Gradisí Dios pa e imágennan kla ku El a presentá na nos. Laga nos agrupá e siguransanan bendishoná di Su amor, pa nos wak nan kontinuamente: E Yu di Dios bandonando e trono di Su Tata, bistiendo Su divinidat ku humanidat, pa E por a reskatá hende for di e poder di Satanas; Su triunfo na nos fabor, habriendo shelu pa hende, revelando na vishon humano e kamber di presensia kaminda e Deidat ta desvelá Su gloria; e rasa kaí halsá for di e pos di ruína kaminda piká a hundié, i tres'é atrobe den konekshon ku e Dios infinito, i a soportá e prueba divino a traves di fe den nos Redentor, bistí ku e hustisia di Kristu, i eksaltá na Su trono-esaki ta e imágennan ku Dios ke pa nos kontemplá."-Ellen G. White, Steps to Christ, p. 118.

PREGUNTA PA DISKUSHON:

1. Kon e Palabra di Dios por bira e fuente di plaser di un hende i no meramente instrukshon? Kon alimentá di e Palabra di Dios ta relashoná ku permanesé den Hesu-Kristu, e Palabra (Huan 1:1; Huan 15:5, 7)?

2. Kiko ta pasa ora hende konsientemente i konstantemente ta rechasá e siñansa di Dios (Salmo 81, Salmo 95)? Di kon bo ta kere ku esei ta sosodé?

3. Di kon e kaminda di e malbado tin biaha por parse mas deseabel ku e konseho di e hustu (Salmo 141)? Ke men, kon nos ta dil ku e aparente echo ku hopi biaha ta parse ku ta bai asina bon ku e malbado?

88