01-09-2024
Remolacha miho konosi komo‘’rode biet’’ tin propiedatnan anti-kanseroso ?
Remolacha ta pertenesé na e mesun famia ku spinazi, tantu e blachinan komo e rais di remolacha por wòrdu kome. E blachinan tin un smak marga miéntras ku e rais ta dushi. Remolacha tin otro dos tipo di variante kolo blanku i hel, pero solamente e kolo kòrá ta kontené propiedatnan anti-kanseroso kual ta e komponente ‘’betacyanin’’. Otro benefisionan di remolacha ta ku e ta riku na antioksidantenan protektivo, propiedatnan anti-inflamatorio, por baha preshon di sanger i riesgo den malesa di kurason, mehorá salú digestivo, protehá e tripa, sostené salú di selebro i tempu di reakshon, mehorá rendimentu di ehersisio i sostené nivelnan di energia. Remolacha ta wòrdu konsiderá komo un ‘’super food’’. Un rais indespensabel den e dieta humano. Ta rekomenda pa uza remolacha den un dosis chiki i dividi.
Ta bon pa bo sa ku…si bo ta bou di medikamentu ta bon pa konsulta ku bo dòkter e kantidat di remolacha den bo dieta.
https://www.bbcgoodfood.com/health/nutrition/ingredient-focus-beetroot
02-08-2024
Klover kòrá a originá na Asia Menor i sùitost di Oropa i a wòrdu introdusí na e Islanan Britániko for di Alemania den añanan 1600. Kolonistanan ingles a trese klover (trèbol) kòrá pa Merka nort. Klover kòrá ta un mata di flor salbahé ku ta pèrtenesé na e mesun famia ku èrwten i bonchi.
E ta wòrdu usá ampliamente den medisina tradishonal komo un remedi pa síntomanan di menopausa, asma, tosamentu, artrítis i asta kanser. Un estudio di 2015 a konklui ku e hende muhe nan premenopausal ku a tuma e ekstrakto di klover kòrá tabatin ménos pèrdida di BMD den e wesu di lomba i garganta, kompará ku e grupo ku no a tuma e ekstrakto. Pues klover kòrá tin tambe benefisionan pa wesu. Klover kòrá por wòrdu ekstraí den zeta esensial i tambe komo te.
Ta bon pa bo sa ku…muhenan na estado o ta dunando pechu o tin transtorno ku sangramentu tin ku evita klover kòrá dor di su propiedatnan estrogéniko menor.
01-07-2024
Bo tabata sa…ku konoflo ta un remedi natural ku por baha preshon i nivel di kolestrol?
Konoflo ta un mata ku ta den e famia di siboyo i su otro variantenan. Kada segmento di un bulbo di konoflo ta wòrdu yamá un tenchi. E kantidat di tenchi por varia depende kon grandi e bulbo di konoflo ta. E konoflo di mas grandi na mundu te ahinda ta pisa 1.19 kilo.
Konoflo ta krese den hopi parti di mundu i ta un ingrediente popular den kushinamentu debí na su holó fuerte i smak dushi.
Atraves di historia antiguo a usa konoflo pa su propiedatnan medisinal. Sientífikonan a bin hanja sa ku e benefisionan di konoflo ta primordialmente debí na e formashon di komponentenan di sulfur, na ora di ta kòrta o machiká konoflo. Konoflo ta un bon fuente ku tin bastante nutrientenan, manera: manganes (kual ta bon tehido, wesu dor ku e ta yuda absorbé kalsio), vitamina B6 (bon pa desaroyo di mente), vitamina C, selenio (kual ta protehá e kurpa di radikalnan liber i infekshon), fibra, ets.
Ta rekomendá pa kome 1 pa 2 tenchi di konoflo pa dia dependiendo di bo kondishon di salu. Semper ta bon pa konsultá ku un profeshonal den e mundu di medisina ora un persona tin malesa.
Ta bon pa bo sa ku…nada di mas no ta bon
22-05-2024
Bo tabata sa ku…kome tur dia fruta ku hopi vitamina C i bèrdura haltu ku heru ta yuda e kurpa kontra e posibel dañonan di metalnan pisa?
Kiko ta metalnan pisa? Na Hulandes e ta wòrdu yama ‘’zware metalen’’ i na Ingles ‘’heavy metals’’.
Metalnan pisa ta grupo di metalnan ku tin un densidat relativamente haltu i ta toksiko pa e kurpa humano. Algun ehèmpelnan di metalnan pisa ta : koper, oro, plata, kadmio, merkurio, heru, uranio, ets. Algun di e efektonan ora e kurpa humano wòrdu eksponé na e metalnan pisa ta: debilita e kurpa, duna gana di saka, daña funshonamentu di e seleber, problema ku pulmon, nir, igra, komposishon di sanger, ets. Tin algun ta hasi mas daño ku otro.
Lamentablemente nos no por evitá metalnan pisa, dor ku nos por inhale den airu, na pomp station, tambe den kuminda i bebida. Segun investigashonan si e kurpa no haña yudansa pa saka e metalnan pisá, esakinan por kousa malesanan (parkinson, kanser, ets.) a largo plaso. Vitamina C, kalsium i heru ta yuda redusí e metalnan pisa for di e kurpa humano. E metalnan pisa ta sali dor di urina, dor di soda o djis bai af.
Ta bon pa bo sa ku…fruta nan ku hopi vitamina C no ta solamente bon pa e sistema imun pero tambe pa saka metalnan pisá.
25-04-2024
Bo tabata sa ku…zeta di karpata (castorolie) ta bon pa alivia konstipashon?
Pobablemente zeta di karpata a bini for di Afrika i despues e la sigui wòrdu planta dor di diferente paisnan kayente. Paisnan manera India, Brasil i China ta produsí e zeta aki na gran eskala. Tin dos tipo di zeta di karpata, unu ta esun primí frui (koudgeperst) i e otro ku ta wòrdu produsi na Jamaica for di un bonchi pretu. Miho konosí komo ‘’black Jamaican castor oil’’.
Dor di e kolo di bonchi nan ta diferensia di kolo. Zeta di karpata tin hopi benefisio pa nos. E ta anti-inflamatorio, anti-oksidante, anti-skimel, e tin propiedatnan ku ta redusí dolo ku ta benefisioso pa nos salu. Un tiki zeta di karpata hunta na barika, ta yuda alivia konstipashon. Ademas e ta hidratá e kueru i tambe por indusi parto. Pues zeta di karpata tin bastante benefisio pa nos salu na djis uzando e zeta pe parti eksterior di e kurpa.
Ta bon pa bo sa…ku zeta di karpata ta bon pa bebe un kuchara solamente si tin konstipashon.
01-04-2024
Bo tabata sa ku…simia di sesam ta masha bon pa bo wesunan ta saludabel i fuerte?
Simia di sesam ta bini di areanan tropikal manera; Asia, Sur Amerika i Afrika. Simia di sesam ta riku ku an-tioksidante, proteina, mineral i vitamina. Dor di tur e nutrientenan aki ku simia di sesam ta kontene e tin hopi benefisio pa nos salu.
Simia di sesam ta hopi bon pa baha kolestoròl dor ku e ta kontene ‘’Phytosterols’’, esaki ta un komponente vegetal ku ta baha kolesteròl. E ta un di e simianan ku tin un kantidat basta haltu di ‘’Phytos-terols’ kompara ku otro nechi i simianan. Dor ku e tin antioksidante e ta yuda kombati infekshon. Ademas e tin un kantidat konsiderabel di ‘’copper’’ kual ta yuda krea selulanan kòrá (rode bloedcellen) i mantene e sistema imun. Tin masha hopi manera pa inkui simia di sesam den nos alimento nan diario i yuda mantene un bon salu.
Ta bon pa bo sa ku… tin simia di sesam kolo kòrá, shinishi, blanku, pretu, i maron.
