20-04-2025
Bo tabata sa ku…gember ta un anti-inflamatoria natural?
Ginger a originá na sur Asia. E rais di ginger, ta wòrdu usá ampliamente komo speserei i/ o pa propositonan medisinal. Kurkuma i kardemon tambe ta famia di ginger. E ta anti-inflamatorio i antioksidante. E ta yuda redusí doló di skarnir, sinti steif i hinchamentu. E ta bon pa hende ku artrítis òf pa rekuperá di ehersisio intenso. Ginger ta ampliamente konosí pa aliviá nausea, embaraso òf efektonan di kimoterapia.
Djis un kòpi di te di ginger por kalma e stoma naturalmente. Danki na su propiedatnan antimikrobial i antiviral, ginger por yuda fortalesé e sistema imunológiko i bringa ferkout i infekshonnan. Ginger ta stimulá produkshon di saliva i higra, loke ta yuda mehorá digestion i absorshon di nutriente.
Ta bon pa bo sa ku…inklui ginger den bo dia dor di rasp’é i agreg’é den batido o komo te ta yuda mehora e salu. Djis no hasié di mas paso e por iritá e stoma.
16-02-2025
Bo tabata sa ku…lamunchi tin bastante mineral esenshal pa nos salu?
Lamunchi ta fruta chikitu bèrdè konosí pa nan sabor pikante i nan kontenido haltu di vitamina C. Nan a wòrdu usá den aplikashonnan kulinario i medisinal pa siglonan, hopi bia inkorporá den kuminda, bebida i remedinan di kas. Vitamina C, un antioksidante poderoso esensial pa funshon imunológiko i síntesis di kolagen. E tin vitamina B6 kual ku ta enbolbí den metabolismo i desaroyo di selebro (aunke ta presente den kantidatnan chikitu). Tambe e tin potasio i magnesio.
Potasio kual ta sostené preshon di sanger saludabel i balansa di líkido. Magnesio, ta hunga un ròl den funshon muskular i produkshon di energia (aunke presente den nivelnan modesto). Otro mineralnan presente manera koper i heru, kontribuyendo na vários proseso enzimátiko i metabóliko. E asididat di djus di lamunchi por promové aktividat di enzima digestivo i por yuda aliviá indigestion okashonal.
Ta bon pa bo sa ku…bebe lamunchi ku awa lou riba stoma bashi ta bon pa rehidratá e kurpa den mainta.
13-01-2025
Bo tabata sa ku…vitamina B, C i D ta tres vitamina esenshal i tin nutrientenan klave pa salu?
Mantené un dieta balansá di vitamina i mineral ta krusial pa salú i bienestar general. Aki tin algun nutriente klave i dikon nan ta importante:
Vitamina B (p.e., B6, B12, Folate) Vitamina B ta hunga un ròl grandi den produkshon di energia, formashon di sèl kòrá i funshon di selebro. Esaki ta wòrdu haña den webu, bèrdura di blachi, frutanan sitriko, etc.
Vitamina C Ta yuda impulsá imunidat, ta sostené produkshon di kolagen, i ta yuda den absorshon di heru. E ta wòrdu hañá den frutanan sitriko, pèper, strawberry i bròkoli.
Vitamina D Ta promové salú di wesu dor di yuda absorshon di kalsio i ta sostené funshon di sistema imunológiko. Optené dor di eksposishon na rayonan di solo, lechi soya, piská vet, etc.
Ta bon pa bo sa ku…kalsio, heru i magnesio ta mineralnan tambe hopi importante ku mester ta parti di bo dieta di tur dia.
05-12-2024
Bo tabata sa ku…klabu tin e mineral manganes kual ta krusial pa salú di wesu i selebro?
Klabu, e flornan aromátiko di e palu “Syzygium aromaticum”, a wòrdu apresiá pa siglonan den vários kushina i remedinan tradishonal. Fuera di nan sabor distintivo, klabu ta ofresé un rango di benefisionan pa salú, prinsipalmente debí na nan kontenido riku di antioksidante i komponentenan bio-aktivo manera “eugenol”. Klabu ta kontene fibra, vitamina K, mineral manganes kua ta yuda bon pa mantené funshon di selebro i konstruí wesunan fuerte.
E ta yuda tambe pa regulá suku den sanger i mata bakteria. Investigashon a demostrá ku klabu tin propiedatnan antimikrobial, loke ta nifiká ku nan por yuda stòp e kresementu di mikro-organismonan manera bakteria. E efektonan antibakterial di klabu por asta benefisiá bo salú oral.
Ta bon pa bo sa ku…klabu ku zeta di koko ta un bon kombinashon pa higiena oral.
21-10-2024
Bo tabata sa ku…blachinan di e mata di moringa tin un kontenido hopi haltu di vitamina nan i mineralnan?
Moringa ta wòrdu konsiderá komo un ‘’superfood’’ ku ta originá di India. Un palu ku propiedatnan haltu ku antioksidante i anti-inflamatorio. E palu di Moringa ta konosí tambe komo e palu di ‘’drumstick’’ i e palu di milager. Moringa ta kontené hopi komponente esensial, manera: vitamina A, B1 (tiamina), B2 (riboflavina), B3 (niacin), vitamina C, kalsio, potasio, heru, magnesio, i fòsforo. Moringa a wòrdu usa pa siglonan debí na su benefisionan pa salú.
Algun benefisionan ku ta wòrdu sostené pa investigashon sientífiko ta ku e ta riku ku anti-oksidante i propiedatnan imflamatorio, e ta baha nivel di suku den sanger i baha nivel di kolestorol den sanger, redusiendo e riesgo di malesa di kurason. Moringa komo suplemento na pildora o puiru ta rekomenda-bel.
Ta bon pa bo sa ku…moringa ta bon alimento pa si e kurpa humano ta karese di nutrientenan importante pa funshoná optimal.
01-09-2024
Remolacha miho konosi komo‘’rode biet’’ tin propiedatnan anti-kanseroso ?
Remolacha ta pertenesé na e mesun famia ku spinazi, tantu e blachinan komo e rais di remolacha por wòrdu kome. E blachinan tin un smak marga miéntras ku e rais ta dushi. Remolacha tin otro dos tipo di variante kolo blanku i hel, pero solamente e kolo kòrá ta kontené propiedatnan anti-kanseroso kual ta e komponente ‘’betacyanin’’. Otro benefisionan di remolacha ta ku e ta riku na antioksidantenan protektivo, propiedatnan anti-inflamatorio, por baha preshon di sanger i riesgo den malesa di kurason, mehorá salú digestivo, protehá e tripa, sostené salú di selebro i tempu di reakshon, mehorá rendimentu di ehersisio i sostené nivelnan di energia. Remolacha ta wòrdu konsiderá komo un ‘’super food’’. Un rais indespensabel den e dieta humano. Ta rekomenda pa uza remolacha den un dosis chiki i dividi.
Ta bon pa bo sa ku…si bo ta bou di medikamentu ta bon pa konsulta ku bo dòkter e kantidat di remolacha den bo dieta.
https://www.bbcgoodfood.com/health/nutrition/ingredient-focus-beetroot
